Taldyqorǵan jastary bolashaqta óz isin ashqysy keletin qatarlastaryna arnap túrli kásipterge úiretetin sheberlik saǵattaryn ótkizýdi qolǵa alǵan. Máselen, erteń «Jetisu jastary» KMM men jergilikti jas kásipker birlesip shokoladtaqa salynǵan qulpynai ázirleýdiń qyr-syrysyn úiretetin sheberlik saǵatyn uiymdastyrǵaly otyr, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Atalmysh mekeme mundai áleýmettik jobalardy kásipkerlermen birge ótken jyldan bastap ótkizip keledi. Is-sharanyń basty maqsaty – jastardyń ýaqytyn tiimdi ótkizýine yqpal etý, olardy jańa mashyqtarǵa beiimdeý, sonyń ishinde óz biznesin bastaýyna serpin berý.
«Jetisu jastary» KMM direktorynyń orynbasary Erkebulan Aqbolatovtyń aitýynsha, ótken jyldan beri osyndai 10-nan astam sheberlik saǵaty ótkizilgen.
– Búgingi jastardyń arasynda sheberlik saǵattarynyń tanymaldyǵy artyp keledi. Mundai sharalardy byltyrdan bastap ótkize bastadyq. Bul jastardyń shyǵarmashylyqqa, belgili bir kásipke degen qulshynysyn arttyrady. Biz kásipkerlerge tegin sheberlik saǵattaryn ótkizý týraly usynystarymyzdy aitamyz.
Bul sharaǵa ásirese «Zhas Project», «Táýelsizdik jastary» jobalarymen memlekettik qoldaýǵa ie bolǵan jastardy tartýǵa tyrysamyz. Jyl basynan beri osyndai 10-ǵa jýyq sheberlik saǵatyn uiymdastyryp, oǵan 18 ben 35 jas aralyǵyndaǵy 500-dei adam qatysty. Sonyń ishinde qysh qumyra jasaý, toqyma, buiymdar jasaý, bet árleý, taǵam daiarlaý qamtyldy.
Osy joly bizdiń usynysymyzǵa taldyqorǵandyq kásipker Shyrailym Sahariianova kelisimin berdi. Ol jeke isin óz kúshimen bastaǵan. Ázirge sheberlik saǵatyna 20 adam jazyldy. Olardyń deni stýdentter, bala kútimine bailanysty úide otyrǵan kelinshekter. Kásipker sabaq barysynda mereke qarsańynda óz qolymen qalai tátti syilyq daiarlaýǵa bolatynyn kórsetedi. Bul shara jastardyń paidaly ispen shuǵyldanýyna jol kórsete alsa, bizdiń maqsatymyzdyń oryndalǵany, – deidi E. Aqbolatov.
Sheberlik saǵatyn ótkizgeli otyrǵan 29 jastaǵy kásipker Shyrailym Sahariianovanyń iskerlik álemine kelgenine bir jyldyń shamasy bolǵan. Negizgi mamandyǵy – informatika pániniń muǵalimi, ózi úsh balanyń anasy. Bala kútimine bailanysty demalysta otyrǵanda shokoladtqa salynǵan qulpynai daiyndaýmen ainalysa bastaǵan.
– Basynda túrli baǵyttarda ózimdi synap kórdim. Sońynda osy shokoladqa salynǵan qulpynai daiyndaýǵa toqtaldym. Qazir bul iske ábden mashyqtanyp aldym. Oǵan qajetti belgiialyq sapaly aq shokoladty Almatydan alǵyzamyn, qoraptaryn da Almatydan satyp alamyn. Erteńgi sheberlik saǵatynda bilgenimmen bólisip, qatarlastarymdy paidaly iske úiretsem deimin. Ony birden úirenip ketý qiyn, degenmen bar zeiinin salyp, kirisse onyń qyr-syryn uǵyp alýǵa bolady.
Eń bastysy – shokoladty durys erite bilý. Ony erteńgi sabaq barysynda úiretemin. Qulpynai men shokoladtyń sapalysyn tańdaý da mańyzdy. Al qulpynaily táttini árleýge azdaǵan shyǵarmashylyq qabilet kerek, – dedi Sh. Sahariianova.
Kásipkerdiń aitýynsha, onyń qolynan daiyndalǵan ónimine degen suranys mereke kúnderi arta túsedi eken. Ásirese, er adamdar kóp taspyrys beredi deidi ol. Shyrailym óz táttilerin Instagramdaǵy @chokoberry.tdk paraqshasy arqyly tutynýshylarǵa tanystyryp keledi.
Eske salsaq, atalǵan sheberlik saǵaty erteń Taldyqorǵandaǵy «Jetisý jastary» ortalyǵynyń ǵimaratynda ótedi.
