Almaty oblysynyń Ishki saiasat basqarmasy janyndaǵy «Taldaý jáne boljaý ortalyǵy» kommýnaldyq memlekettik mekemesiniń mamandary ústimizdegi jyldyń mamyr – maýsym ailary aralyǵynda oblys turǵyndarynyń oi-pikirlerin bilý maqsatynda «Taldyqorǵan qalasy» taqyrybynda internet-saýalnama júrgizdi. Saraptama nátijesi boiynsha turǵyndardyń qalaǵa degen kózqarastary anyqtaldy.
Taldyqorǵan qalasy – Qazaqstan Respýblikasy Prezidentiniń «Almaty oblysynyń ortalyǵyn kóshirý týraly» 2001 jyldyń 14 sáýirindegi Jarlyǵyna sáikes Almaty oblysynyń ortalyǵy bolyp jariialandy. Qala quramyna 8 eldi mekender kiredi: Taldyqorǵan qalasy, Ótenai aýyly, Moinaq aýyly, Eńbek aýyly, Prigorodnoe aýyly, Yntymaq aýyly, Erkin aýyly, 3-shi bólimshe.
Qala aýmaǵy 75,88 sharshy shaqyrymdy quraidy. Resmi aqparattarǵa sáikes, qala jáne eldimekenderdegi turǵyndar sany – 172,2 myń adam (01.01.2018 j.), 70-ten astam ulttar men halyqtar turady, onyń ishinde qazaqtar – 125,0 myń adam (72,6%), orystar –35,5 myń adam (20,6%), kárister – 4,5 myń adam (2,6%), tatarlar –2,6 myńadam (1,5%), nemister – 1,0 myńadam (0,6%) jáne basqa da ult ókilderi turady. Turǵyndardyń jalpy sanynan qalalyqturǵyndar 145,7 myń adam (84,6%), aýyl turǵyndary 26,5 myń adamdy (15,4%) quraidy. Halyqtyń tyǵyzdyǵy -1 sharshy km-ge 2269,4 adam teń keledi.
Taldyqorǵan qalasyndaǵy qaýipsizdik deńgeiin respondentterdiń 37% joǵary, 36% ortasha, 18% tómen dep baǵalady. Al, 9% «jaýap berý qiyn» degen pikirde boldy.
Qalamyz qanshalyqty kógaldandyrylǵan degen saýal boiynsha respondentterdiń 27% jaqsy kógaldandyrylǵan, 55% ishinara kógaldandyrylǵan, 9% kógaldandyrylmaǵan, 9% «jaýap berý qiyn» degen oimen óz pikirlerin bildirdi.
Taldyqorǵan qalasynyń «tsifrlandyrylýǵa daiyn ba» degen saýalnamaǵa respondentterdiń 64% «iia daiyn», 18% «daiyn emes» dep jáne 18% «jaýap berý qiyn» degen pikirdi kórsetti.
Respondentterdiń 37% Taldyqorǵan qalasynan basqa jaqqa kóship ketkim keledi degen oiyn bildirse, 36% eshqaida kóshpeitinderin aitty, al 27% «jaýap berý qiyn» degen pikirde.
Taldyqorǵan qalasynda ornalasqan «City Plus» saýda oiyn saýyq kesheni turǵyndardyń 73%-na unasa, 27%-nyń kóńilinen shyqpady.
Azamattardyń ómir súrý deńgeiin respondentterdiń 18% joǵary baǵalasa, 64% qanaǵattanarlyqtai, al 18% tómen deńgeide baǵalady.
Taldyqorǵan qalasynda qandai nysandar salý qajet degen saýalnamaǵa respondentterdiń 46% mádeni nysandaryn, 27% saýda oiyn saýyq keshenderin, 9% qoǵamdyq tamaqtandyrý obektilerin, 9% saiabaqtar men demalys oryndaryn salý qajet degen pikirlerin bildirse, 9% jaýap berý qiyn ekendikterin kórsetti.
