الماتى وبلىسىنىڭ ىشكى ساياسات باسقارماسى جانىنداعى «تالداۋ جانە بولجاۋ ورتالىعى» كوممۋنالدىق مەملەكەتتىك مەكەمەسىنىڭ ماماندارى ۇستىمىزدەگى جىلدىڭ مامىر – ماۋسىم ايلارى ارالىعىندا وبلىس تۇرعىندارىنىڭ وي-پىكىرلەرىن ءبىلۋ ماقساتىندا «تالدىقورعان قالاسى» تاقىرىبىندا ينتەرنەت-ساۋالناما جۇرگىزدى. ساراپتاما ناتيجەسى بويىنشا تۇرعىنداردىڭ قالاعا دەگەن كوزقاراستارى انىقتالدى.

تالدىقورعان قالاسى – قازاقستان رەسپۋبليكاسى پرەزيدەنتىنىڭ «الماتى وبلىسىنىڭ ورتالىعىن كوشىرۋ تۋرالى» 2001 جىلدىڭ 14 ساۋىرىندەگى جارلىعىنا سايكەس الماتى وبلىسىنىڭ ورتالىعى بولىپ جاريالاندى. قالا قۇرامىنا 8 ەلدى مەكەندەر كىرەدى: تالدىقورعان قالاسى، وتەناي اۋىلى، مويناق اۋىلى، ەڭبەك اۋىلى، پريگورودنوە اۋىلى، ىنتىماق اۋىلى، ەركىن اۋىلى، 3ء-شى بولىمشە.

قالا اۋماعى 75،88 شارشى شاقىرىمدى قۇرايدى. رەسمي اقپاراتتارعا سايكەس، قالا جانە ەلدىمەكەندەردەگى تۇرعىندار سانى – 172،2 مىڭ ادام (01.01.2018 ج.)، 70-تەن استام ۇلتتار مەن حالىقتار تۇرادى، ونىڭ ىشىندە قازاقتار – 125،0 مىڭ ادام (72،6%)، ورىستار –35،5 مىڭ ادام (20،6%)، كارىستەر – 4،5 مىڭ ادام (2،6%)، تاتارلار –2،6 مىڭادام (1،5%)، نەمىستەر – 1،0 مىڭادام (0،6%) جانە باسقا دا ۇلت وكىلدەرى تۇرادى. تۇرعىنداردىڭ جالپى سانىنان قالالىقتۇرعىندار 145،7 مىڭ ادام (84،6%)، اۋىل تۇرعىندارى 26،5 مىڭ ادامدى (15،4%) قۇرايدى. حالىقتىڭ تىعىزدىعى -1 شارشى كم-گە 2269،4 ادام تەڭ كەلەدى.

تالدىقورعان قالاسىنداعى قاۋىپسىزدىك دەڭگەيىن رەسپوندەنتتەردىڭ 37% جوعارى، 36% ورتاشا، 18% تومەن دەپ باعالادى. ال، 9% «جاۋاپ بەرۋ قيىن» دەگەن پىكىردە بولدى.

قالامىز قانشالىقتى كوگالداندىرىلعان دەگەن ساۋال بويىنشا رەسپوندەنتتەردىڭ 27% جاقسى كوگالداندىرىلعان، 55% ءىشىنارا كوگالداندىرىلعان، 9% كوگالداندىرىلماعان، 9% «جاۋاپ بەرۋ قيىن» دەگەن ويمەن ءوز پىكىرلەرىن ءبىلدىردى.

تالدىقورعان قالاسىنىڭ «سيفرلاندىرىلۋعا دايىن با» دەگەن ساۋالناماعا رەسپوندەنتتەردىڭ 64% «يا دايىن»، 18% «دايىن ەمەس» دەپ جانە 18% «جاۋاپ بەرۋ قيىن» دەگەن پىكىردى كورسەتتى.

رەسپوندەنتتەردىڭ 37% تالدىقورعان قالاسىنان باسقا جاققا كوشىپ كەتكىم كەلەدى دەگەن ويىن بىلدىرسە، 36% ەشقايدا كوشپەيتىندەرىن ايتتى، ال 27% «جاۋاپ بەرۋ قيىن» دەگەن پىكىردە.

تالدىقورعان قالاسىندا ورنالاسقان «City Plus» ساۋدا ويىن ساۋىق كەشەنى تۇرعىنداردىڭ 73%-نا ۇناسا، 27%-نىڭ كوڭىلىنەن شىقپادى.

ازاماتتاردىڭ ءومىر ءسۇرۋ دەڭگەيىن رەسپوندەنتتەردىڭ 18% جوعارى باعالاسا، 64% قاناعاتتانارلىقتاي، ال 18% تومەن دەڭگەيدە باعالادى.

تالدىقورعان قالاسىندا قانداي نىساندار سالۋ قاجەت دەگەن ساۋالناماعا رەسپوندەنتتەردىڭ 46% مادەني نىساندارىن، 27% ساۋدا ويىن ساۋىق كەشەندەرىن، 9% قوعامدىق تاماقتاندىرۋ وبەكتىلەرىن، 9% ساياباقتار مەن دەمالىس ورىندارىن سالۋ قاجەت دەگەن پىكىرلەرىن بىلدىرسە، 9% جاۋاپ بەرۋ قيىن ەكەندىكتەرىن كورسەتتى.