Jetisýlyqtardyń sheteldi óziniń parasat-paiymymen jaýlap alǵany barshaǵa aian. Garvard jáne Gonkong ǵylym jáne tehnologiia ýniversitetiniń túlegi, "QazTrade" bas direktory Azamat Asqarulynyń aitýynsha, Taldyqorǵannyń tehnikalyq-matematikalyq jalpy bilim berý bazasy respýblikadaǵy úzdikterdiń biri bolyp tabylady.
Ákim esebinde tikelei bailanysqa shyqqan Azamat Asqaruly, IT-mamandar úshin Jetisý jerinde balama ortany qalyptastyrý týraly másele tóńireginde sóz qozǵady.
Óitkeni, bilim ordalary, litsei jáne Nazarbaev ziiatkerlik mektebiniń oqýshylary jyl saiyn halyqaralyq bilim básekesinde únemi top jarady. Al, reseilik, Eýropa, Qytai jáne AQSh-tyń joǵarǵy oqý oryndary úzdik, bilimdi jastardy anyqtaýdy jalǵasytrýda.
– IT infraqurylymdy damytý – bul eń perspektivaly jáne suranysqa ie baǵyttardyń biri. Sonymen qatar, "Smart City" tujyrymdamasyn iske asyrý IT-park bolýy múmkin ortalyq aqparattyq-kommýnikatsiialyq toraptyń bolýyn tikelei bildiredi,– deidi Amandyq Ǵabbasuly.
Óńir basshysy sondai-aq, jaqyn arada mamandarmen birlesip, keleshegi zor, talantty jastar ózderiniń ziiatkerlik áleýetin ashyp, alysqa barmai-aq, osy baǵytta damýy úshin, atalǵan máseleni egjei-tegjeili pysyqtaýdy josparlap otyrǵanyn atap ótti.
Jiyn barysynda, Almaty oblysynda jas, bilimdi jáne bolashaǵy bar mamandar arasynan kadr rezervin qurý tilge tiek etildi.
Qasym-Jomart Toqaevtyń tapsyrmasy boiynsha Qazaqstanda prezidenttik kadrlyq rezerv qurylǵany barshaǵa málim. 300 rezervshi tizimin basqaratyn Renat Bekturov oblys ákiminiń esep berý kezdesýinde kóptegen jas mamandardyń iri qalalarǵa, tipti shetelge ketýi týraly máseleni qozǵady.
Onyń aitýynsha, "Bolashaq" baǵdarlamasy boiynsha bilim alǵan jastar týǵan ólkesiniń gúldenýi úshin qajet. Kadrlyq rezervti qurý ideiasy kóptegen talantty kásipqoi mamandardyń shyńdalýyna múmkindik beredi jáne Jetisý ekonomikasynyń serpindi damýyna oń áser etedi.
– Jas, bilimdi jáne bolashaǵy zor tulǵalar qataryndaǵy kadrlyq rezerv – bul bolashaqqa úlken investitsiia. Bizdiń óńirde mundai adamdar az emes. Men muny óte jaqsy bilemin. Olardyń árqaisysy óz salasynyń mamany. Eger biz olardy jumyldyryp, kadrlar rezervin qursaq, onda ekonomika men áleýmettik sala sektorlaryn eselep kóteretinimiz sózsiz, bul jalpy turǵyndardyń ómir súrý deńgeiin jaqsartýǵa aitarlyqtai kómektesedi. Árine, eger olar siz qoiǵan taqyrypqa qyzyǵýshylyq tanytsa, men árqashan jastardy qoldaýǵa daiynmyn. Jaqyn arada QR Memlekettik qyzmet isteri Agenttiginiń Departamentimen birlesip osy máseleni qarastyramyz, – dedi Amandyq Batalov.
