جەتىسۋلىقتاردىڭ شەتەلدى ءوزىنىڭ پاراسات-پايىمىمەن جاۋلاپ العانى بارشاعا ايان. گارۆارد جانە گونكونگ عىلىم جانە تەحنولوگيا ۋنيۆەرسيتەتىنىڭ تۇلەگى، "QazTrade" باس ديرەكتورى ازامات اسقار ۇلىنىڭ ايتۋىنشا، تالدىقورعاننىڭ تەحنيكالىق-ماتەماتيكالىق جالپى ءبىلىم بەرۋ بازاسى رەسپۋبليكاداعى ۇزدىكتەردىڭ ءبىرى بولىپ تابىلادى.
اكىم ەسەبىندە تىكەلەي بايلانىسقا شىققان ازامات اسقار ۇلى، IT-ماماندار ءۇشىن جەتىسۋ جەرىندە بالاما ورتانى قالىپتاستىرۋ تۋرالى ماسەلە توڭىرەگىندە ءسوز قوزعادى.
ويتكەنى، ءبىلىم وردالارى، ليسەي جانە نازاربايەۆ زياتكەرلىك مەكتەبىنىڭ وقۋشىلارى جىل سايىن حالىقارالىق ءبىلىم باسەكەسىندە ۇنەمى توپ جارادى. ال، رەسەيلىك، ەۋروپا، جۇڭگو جانە اقش-تىڭ جوعارعى وقۋ ورىندارى ۇزدىك، ءبىلىمدى جاستاردى انىقتاۋدى جالعاسىترۋدا.
– IT ينفراقۇرىلىمدى دامىتۋ – بۇل ەڭ پەرسپەكتيۆالى جانە سۇرانىسقا يە باعىتتاردىڭ ءبىرى. سونىمەن قاتار، "Smart City" تۇجىرىمداماسىن ىسكە اسىرۋ IT-پارك بولۋى مۇمكىن ورتالىق اقپاراتتىق-كوممۋنيكاسيالىق توراپتىڭ بولۋىن تىكەلەي بىلدىرەدى،– دەيدى اماندىق عابباس ۇلى.
ءوڭىر باسشىسى سونداي-اق، جاقىن ارادا ماماندارمەن بىرلەسىپ، كەلەشەگى زور، تالانتتى جاستار وزدەرىنىڭ زياتكەرلىك الەۋەتىن اشىپ، الىسقا بارماي-اق، وسى باعىتتا دامۋى ءۇشىن، اتالعان ماسەلەنى ەگجەي-تەگجەيلى پىسىقتاۋدى جوسپارلاپ وتىرعانىن اتاپ ءوتتى.
جيىن بارىسىندا، الماتى وبلىسىندا جاس، ءبىلىمدى جانە بولاشاعى بار ماماندار اراسىنان كادر رەزەرۆىن قۇرۋ تىلگە تيەك ەتىلدى.
قاسىم-جومارت توقايەۆتىڭ تاپسىرماسى بويىنشا قازاقستاندا پرەزيدەنتتىك كادرلىق رەزەرۆ قۇرىلعانى بارشاعا ءمالىم. 300 رەزەرۆشى ءتىزىمىن باسقاراتىن رەنات بەكتۇروۆ وبلىس اكىمىنىڭ ەسەپ بەرۋ كەزدەسۋىندە كوپتەگەن جاس مامانداردىڭ ءىرى قالالارعا، ءتىپتى شەتەلگە كەتۋى تۋرالى ماسەلەنى قوزعادى.
ونىڭ ايتۋىنشا، "بولاشاق" باعدارلاماسى بويىنشا ءبىلىم العان جاستار تۋعان ولكەسىنىڭ گۇلدەنۋى ءۇشىن قاجەت. كادرلىق رەزەرۆتى قۇرۋ يدەياسى كوپتەگەن تالانتتى كاسىپقوي مامانداردىڭ شىڭدالۋىنا مۇمكىندىك بەرەدى جانە جەتىسۋ ەكونوميكاسىنىڭ سەرپىندى دامۋىنا وڭ اسەر ەتەدى.
– جاس، ءبىلىمدى جانە بولاشاعى زور تۇلعالار قاتارىنداعى كادرلىق رەزەرۆ – بۇل بولاشاققا ۇلكەن ينۆەستيسيا. ءبىزدىڭ وڭىردە مۇنداي ادامدار از ەمەس. مەن مۇنى وتە جاقسى بىلەمىن. ولاردىڭ ءارقايسىسى ءوز سالاسىنىڭ مامانى. ەگەر ءبىز ولاردى جۇمىلدىرىپ، كادرلار رەزەرۆىن قۇرساق، وندا ەكونوميكا مەن الەۋمەتتىك سالا سەكتورلارىن ەسەلەپ كوتەرەتىنىمىز ءسوزسىز، بۇل جالپى تۇرعىنداردىڭ ءومىر ءسۇرۋ دەڭگەيىن جاقسارتۋعا ايتارلىقتاي كومەكتەسەدى. ارينە، ەگەر ولار ءسىز قويعان تاقىرىپقا قىزىعۋشىلىق تانىتسا، مەن ءارقاشان جاستاردى قولداۋعا دايىنمىن. جاقىن ارادا ق ر مەملەكەتتىك قىزمەت ىستەرى اگەنتتىگىنىڭ دەپارتامەنتىمەن بىرلەسىپ وسى ماسەلەنى قاراستىرامىز، – دەدى اماندىق باتالوۆ.
