Qostanai qalasynda áieldiń takside shý shyǵaryp, júrgizýshi zorlady degen videosy qoǵamda rezonans týdyrǵan edi, dep habarlaidy Dalanews.kz.
2023 jyldyń 24 jeltoqsanynda Qostanai politsiiasyna jergilikti turǵyn habarlasyp, taksi júrgizýshisi ekeýi arasynda janjal týyndaǵanyn habarlaǵan. Qyzdyń politsiiaǵa júginýine janjal sebep bolǵan.
Taksi júrgizýshisi qyzdyń naqty turǵan jerine emes, mobildi qosymshada kórsetilgen mekenjaiǵa alyp barǵan. Nátijesinde, qyz ben júrgizýshi arasynda janjal bolyp, boijetken taksisti zorlady dep aiyptady.
Alaida politsiianyń málimetinshe, áieldiń jazyqsyz júrgizýshige jala jaýyp jatqany áshkere boldy.
"Qol júgirtti dep quzyrly organǵa kórineý jalǵan qońyraý shalǵany úshin jaýapqa tartylǵan qostanailyq turǵyn quqyq buzýshylyq úshin 30 AEK kóleminde aiyppul arqalady. Aiyppul somasy - 110 760 teńge", - dep jazdy politsiia departamentinen.
