Jýyrda "Nur-Muqasan" tobynyń jańa múshesi Ǵalymjan Súleimen toptyń burynǵy ánshisi, tanymal juldyz Muqasan Shahzadaevtan ońbai taiaq jegenin aitqan edi. Ǵalymjan Súleimen Muqasan Shahzadaevty keshirmeitinin málimdedi, dep habarlaidy Dalanews.kz.
Ánshige Almatyda ota jasalǵan. Bul týraly belsendi Jan Ahmadiev jariialady.
"Jaǵdaiym jaqsy bolyp qaldy. Murynǵa ota jasaldy. Úsh kún basynda kúttim, odan keiin de kúttim (Muqasandy - esk.). Qazir joq (keshirmeimin - esk.). Ókinishke qarai, ózi habarlasqan joq. Sol kisiniń atynan kelýshiler kóbeiip ketti. Biraq áli ózi bir aýyz shyqpady. Tákapparlyqtyń shegi dep oilaimyn", - dedi ánshi.
Mán-jaiy
Buǵan deiin istiń mán-jaiyn jazǵan edik. Ǵalymjan Súleimenniń aitýynsha, daýdyń bári ánnen shyqqan. Máseleni sheshý úshin ol Shahzadaevtyń úiine barǵan. Alaida soqqyǵa jyǵylǵan. "Politsiia Muqasandy emes, meni alyp ketti" deidi. Endi "Nur-Muqasan" tobynyń múshesi zańgerlerdiń kómegine júginip, "jýan judyryqty" ánshini jaýapqa tartqysy keledi.
Keiinirek ánshi Muqasan Shahzadaev ustalǵany týraly aqparat tarady.
Málimetke súiensek, is QR Qylmystyq kodeksiniń 107-baby 2-bóligi - "Adamdar tobynyń aldyn-ala sóz bailasýy arqyly densaýlyqqa qasaqana ortasha aýyrlyqtaǵy ziian keltirý" boiynsha qozǵalǵan. Bul bap boiynsha aiypty dep tanylǵan adam 3 jylǵa deiin bas bostandyǵynan aiyrylýy múmkin.
