جۋىردا "نۇر-مۇقاسان" توبىنىڭ جاڭا مۇشەسى عالىمجان سۇلەيمەن توپتىڭ بۇرىنعى ءانشىسى، تانىمال جۇلدىز مۇقاسان شاحزادايەۆتان وڭباي تاياق جەگەنىن ايتقان ەدى. عالىمجان سۇلەيمەن مۇقاسان شاحزادايەۆتى كەشىرمەيتىنىن مالىمدەدى، دەپ حابارلايدى Dalanews.kz.

انشىگە الماتىدا وتا جاسالعان. بۇل تۋرالى بەلسەندى جان احمادييەۆ جاريالادى.

"جاعدايىم جاقسى بولىپ قالدى. مۇرىنعا وتا جاسالدى. ءۇش كۇن باسىندا كۇتتىم، ودان كەيىن دە كۇتتىم (مۇقاساندى - ەسك.). ءقازىر جوق (كەشىرمەيمىن - ەسك.). وكىنىشكە قاراي، ءوزى حابارلاسقان جوق. سول كىسىنىڭ اتىنان كەلۋشىلەر كوبەيىپ كەتتى. ءبىراق ءالى ءوزى ءبىر اۋىز شىقپادى. تاكاپپارلىقتىڭ شەگى دەپ ويلايمىن"، - دەدى ءانشى.

ءمان-جايى

بۇعان دەيىن ءىستىڭ ءمان-جايىن جازعان ەدىك. عالىمجان سۇلەيمەننىڭ ايتۋىنشا، داۋدىڭ ءبارى اننەن شىققان. ماسەلەنى شەشۋ ءۇشىن ول شاحزادايەۆتىڭ ۇيىنە بارعان. الايدا سوققىعا جىعىلعان. "پوليسيا مۇقاساندى ەمەس، مەنى الىپ كەتتى" دەيدى. ەندى "نۇر-مۇقاسان" توبىنىڭ مۇشەسى زاڭگەرلەردىڭ كومەگىنە جۇگىنىپ، "جۋان جۇدىرىقتى" ءانشىنى جاۋاپقا تارتقىسى كەلەدى. 

كەيىنىرەك ءانشى مۇقاسان شاحزادايەۆ ۇستالعانى تۋرالى اقپارات تارادى.

مالىمەتكە سۇيەنسەك، ءىس ق ر قىلمىستىق كودەكسىنىڭ 107-بابى 2-بولىگى - "ادامدار توبىنىڭ الدىن-الا ءسوز بايلاسۋى ارقىلى دەنساۋلىققا قاساقانا ورتاشا اۋىرلىقتاعى زيان كەلتىرۋ" بويىنشا قوزعالعان. بۇل باپ بويىنشا ايىپتى دەپ تانىلعان ادام 3 جىلعا دەيىن باس بوستاندىعىنان ايىرىلۋى مۇمكىن.