Tailandta óte shala týǵan náresteniń ómirin qazaqstandyq dárigerler saqtap qaldy. Eki aiǵa sozylǵan qarqyndy emnen keiin sábi Pediatriia jáne balalar hirýrgiiasy ǵylymi ortalyǵynan úiine shyǵaryldy, dep habarlaidy dalanews.kz.
Dárigerlerdiń málimetinshe, bir jarym ailyq sábi sanitariialyq aviatsiia bortymen Tailandtyń Phýket qalasynan Almatyǵa jetkizilgen.
Sol kezde onyń jaǵdaiy óte aýyr bolyp, dene salmaǵy tym tómen bolǵan.
Emdeý barysynda mamandar sábidiń ómirine qaýip tóndirgen asqynýdy – ishektiń jabyq perforatsiiasyn der kezinde anyqtaǵan. Osyǵan bailanysty balalar hirýrgteri shuǵyl konsiliým ótkizip, jedel operatsiia jasaý týraly sheshim qabyldaǵan.
Dárigerlerdiń kásibi áreketiniń arqasynda ota sátti ótip, náresteniń ómiri saqtalyp qaldy.
Eki ailyq qarqyndy em men ońaltýdan keiin sábi aýrýhanadan shyǵarylyp, ata-anasynyń qolyna tabystaldy.
