"Jańa-Qarjy" mıkroqarjy uıymy" JSHS mıkroqarjylyq qyzmetti júzege asyrýǵa arnalǵan lısenzıasynan aıyryldy, dep habarlaıdy Dalanews.kz.
"Mıkroqarjylyq qyzmet týraly" zańynyń 16-baby 2-tarmaǵynyń 1-tarmaqshasyna sáıkes, mıkroqarjylyq qyzmetti júzege asyrýǵa lısenzıa qoldanysynyń júıeli túrde (qatarynan kúntizbelik on eki aı ishinde úsh jáne odan kóp ret) toqtata turylýy lısenzıadan aıyrý úshin negizdeme boldy", delingen QR QNRDA habarlamasynda.
Mundaı jaǵdaıda atalǵan JSHS taratylyp, eger qajet bolsa, basqa ataýmen qaıta tirkelýge mindetti ekeni de naqtylanady.
Mıkrokredıt berý týraly sharttar boıynsha oryndalmaǵan mindettemeleri bar MQU klıentteri mıkrokredıt berý týraly jasalǵan sharttardyń talaptaryna sáıkes, MQU aldyndaǵy mindettemelerdiń oryndalýyn buzǵany úshin jaýapty bolady.
Aıta ketsek, 4 qazanda lımıtten asyra nesıe bergen qos mıkroqarjylyq uıymnyń lısenzıalary ýaqytsha toqtalyǵany habarlanǵan. Olar - Bravo Microfinance jáne CashCapital.
