BUU Bas Assambleiasy aiasynda ótken halyqaralyq jiynda Frantsiia, Belgiia, Liýksembýrg, Monako jáne Malta Palestinany resmi túrde memleket dep moiyndaitynyn jariialady, dep habarlaidy Dalanews.kz.
Buǵan deiin Ulybritaniia, Kanada, Aýstraliia jáne Portýgaliia da osyndai sheshim qabyldaǵan edi.
Sonymen, Palestinany moiyndaǵan elderdiń jalpy sany 145-ten asyp otyr.
Belgiia premer-ministri Bart de Veverdiń aitýynsha, Palestinada prezidenttik jáne parlamenttik sailaý ótkennen keiin ǵana elshilik ashý máselesi qarastyrylady.
Palestina prezidenti Mahmýd Abbas jańa elderdiń qadamyn quptap, bul sheshimdi qoldady.
Al Izrail tarapy bul áreketke qarsy shyqty. Premer-ministr Biniamin Netaniahý beineúndeýinde Iordan ózeniniń batys jaǵalaýynda palestinalyq memleket eshqashan qurylmaitynyn málimdedi. Izrail prezidenti Itshak Gertsog ta óz pikirin bildirip, mundai qadamnyń palestinalyqtarǵa eshqandai paida ákelmeitinin atap ótti.
«Bul birde-bir tutqyndy bosatýǵa yqpal etpeidi ári izraildikter men palestinalyqtar arasyndaǵy kelisimge jol ashpaidy», – dep jazdy ol X áleýmettik jelisinde.
