Búgin Qasym-Jomart Toqaevty qoldaý jónindegi Halyqtyq koalitsiiaǵa taǵy 15 qoǵamdyq uiym qosyldy. Olardyń qatarynda QR Kásipodaqtar federatsiiasy, Qazaqstan Jazýshylar odaǵy, «SERPIN» Ulttyq bilim jáne innovatsiialar palatasy, «Bolashaq» qaýymdastyǵy, Qazaqstannyń ekologiialyq uiymdarynyń qaýymdastyǵy, Qazaqstannyń múgedekter uiymdarynyń odaǵy, «Adam quqyqtary hartiiasy» qoǵamdyq qory bar.
Sondai-aq Halyqtyq koalitsiiaǵa Tsifrlyq transformatsiia qaýymdastyǵy, Respýblikalyq áielderdiń keńesi, Qazaqstan Fýtbol federatsiiasy, «Ákeler Odaǵy», «Assambleia jastary», «Halyqaralyq quqyq qorǵaý ortalyǵy», Taý-ken óndirý jáne taý-ken metallýrgiia kásiporyndarynyń respýblikalyq qaýymdastyǵy, Qazaqstannyń «OSHAQ» Jergilikti qoǵamdastyqtarynyń Halyq Kongresi de qosyldy.
«SERPIN» Ulttyq bilim jáne innovatsiialar palatasynyń tóraǵasy Murat Ábenovtyń aitýynsha, qoǵamdyq kúshter koalitsiiaǵa birikkendikten de bul sailaý naýqany jańa formatta ótedi.
«Bolashaq» qaýymdastyǵynyń músheleri de Halyqtyq koalitsiiaǵa kiretinderin málimdedi. «Biz ishki jáne syrtqy saiasatymyzdyń turaqtylyǵy men sabaqtastyǵyn kórsetýimiz kerek», - dedi Qaýymdastyqtyń atqarýshy direktory Álisher Dúngenin.
«Men 30 jyldan astam ýaqyttan beri adam quqyqtaryn qorǵaýmen ainalysyp kelemin. Biz kópshilikke adam quqyqtaryn qorǵaý boiynsha júrgizilip jatqan jumystyń mańyzdylyǵyn birlesip túsindirý úshin koalitsiiaǵa qosylamyz», - dedi «Adam quqyqtary hartiiasy» qoǵamdyq qorynyń basshysy Jemis Turmaǵambetova.
Tsifrlyq transformatsiia qaýymdastyǵynyń ókili Sergei Ostapiýktyń pikirinshe, búginde Qazaqstanda IT naryq qarqyndy damyp keledi. «Osyny eskere otyryp, bizdiń Qaýymdastyq búgin Halyqtyq koalitsiiaǵa kiredi», - dedi ol.
Jiynda óńirlerde úgit-nasihat is-sharalaryn ótkizý, kandidattyń baiqaýshylary men senimdi tulǵalaryn oqytý, sailaý naýqanynyń quqyqtyq aspektileri jáne t.b. máseleler talqylandy.
Otyrys barysynda qatysýshylar úgit-nasihat naýqanyn júrgizý úshin kandidattyń sailaý qoryna qarajat jinaýǵa qatysty málimdeme jasady.
Halyqtyq koalitsiia músheleri sailaý qoryna qarjylai qoldaýdy kandidattyń jaqtaýshylary tek erikti túrde jasaitynyn alǵa tartty.
Osyǵan bailanysty májbúrlep aqsha aýdartý týraly taraǵan aqparat arandatý bolyp tabylady.
Halyqtyq koalitsiia mundai áreketterdi qatań aiyptaidy jáne tiisti ótinishpen quqyq qorǵaý organdaryna júginedi.
Quqyqqa qaishy qandai da bir áreketter anyqtalǵan jaǵdaida, Halyqtyq koalitsiia shtabyna kelesi bailanys nómeri arqyly habarlasýdy suraimyz: + 7 7172 707 616.
Halyqtyq koalitsiianyń baspasóz qyzmeti
