Qazaqstanda tabysy men shyǵyny arasynda sáikessizdik anyqtalǵan azamattarǵa 10 paiyz kóleminde salyq engizý tetigi qarastyrylyp jatyr, dep habarlaidy Dalanews.kz.
Memlekettik kirister komitetiniń basqarma sarapshysy Uldana Súleimenniń aitýynsha, eger azamat shyǵyny tabysynan nege artyq ekenin dáleldei almasa, aiyrma somasyna 10% mólsherinde salyq esepteledi. Mysaly, resmi tabysy 300 myń teńge, al shyǵyny 500 myń teńge bolǵan jaǵdaida, 200 myń teńge aiyrmaǵa 20 myń teńge salyq salynýy múmkin.
Onyń sózinshe, eger salyq tóleýshi habarlamada kórsetilgen buzýshylyqtarmen kelisse, onda ol nemese salyq agenti anyqtalǵan buzýshylyqtar tiesili kezeń boiynsha eseptilikti usynyp, tiisti salyqtar men biýdjetke tólenetin tólemderdi júrgizedi.
Salyq sarapshysy Aidar Masatbaev bul tetik qarapaiym azamattarǵa aitarlyqtai áser etpeidi dep esepteidi. Alaida ol mundai baqylaýdy salyqtan jaltaratyn iri kásipkerler men aýqatty toptarǵa qoldaný tiimdi bolatynyn atap ótti.
Onyń pikirinshe, 100–200 myń teńge kólemindegi artyq shyǵyndy qaryzǵa aldym nemese týystarymnan aldym dep túsindirýge bolady, al salyq organdary jeke adamdar arasyndaǵy qarjylyq qatynastardy tolyq teksere bermeidi. Degenmen mundai tártipti iri kásipkerler men oligarhtarǵa qoldaný oryndy, dedi ol.
