Shymkentte II toptaǵy múgedektigi bar turǵyn turǵyn úii, jer ýchaskesi jáne páterine qatysty senimhattar men satyp alý-satý sharttaryn jaramsyz dep tanýdy surap, sotqa júgingen, dep habarlaidy dalanews.kz.
Áieldiń aitýynsha, senimhatqa qandai jaǵdaida jáne qashan qol qoiǵanyn esine túsire almaidy. Ol eshkimge óz múlkin basqarýǵa nemese satýǵa kelisim bermegenin málimdegen. Sondai-aq, ol qujattar rásimdelgen kezde oblystyq psihikalyq densaýlyq ortalyǵynda statsionarlyq em alyp jatqanyn aitqan.
Talap qoiýshynyń pikirinshe, eki notariýs pen týystary onyń psihikalyq jaǵdaiyn paidalanyp, qujattardy rásimdep, keiin úiin, jer ýchaskesin jáne páterin satyp jibergen.
Sot isti qaraý barysynda senimhattar rásimdelgennen keiin jaýapkerler áieldiń atynan áreket etip, onyń barlyq jyljymaityn múlkin ielikten shyǵarǵanyn anyqtady. Sonyń saldarynan ol baspanasyz qalyp, týystarynyń úiinde turýǵa májbúr bolǵan.
Sot-psihiatriialyq saraptama áiel 2019 jyldan beri psihikalyq aýrýǵa shaldyqqanyn rastady. Sarapshylardyń qorytyndysyna sáikes senimhattarǵa qol qoiǵan sátte ol óz áreketiniń mánin túsinbegen.
Osyǵan bailanysty sot senimhattar men olardyń negizinde jasalǵan satyp alý-satý sharttaryn jaramsyz dep tanydy. Nátijesinde áieldiń quqyǵy tolyq qalpyna keltirildi. Sot sheshimi zańdy kúshine endi.
