Ulttyq qaýipsizdik komiteti (UQK) Shymkent qalasyndaǵy Turan aýdanynyń sanitariialyq-epidemiologiialyq baqylaý basqarmasynyń basshysy Murat Beisenbaevqa qatysty tergeý júrgizilip jatqanyn rastady, dep habarlaidy dalanews.kz.
Buǵan deiin Kozachkov offside Telegram-arnasy 1 qyrkúiekte Murat Beisenbaevtyń para aldy degen kúdikke ilingenin habarlaǵan. Arna málimetinshe, kásipkerlerden alynǵan aqsha baǵynysty qyzmetkerler arqyly berilip, onyń ornyna oń qorytyndylar rásimdelýi múmkin bolǵan.
NUR.KZ agenttiginiń saýalyna jaýap bergen UQK atalǵan fakti boiynsha sotqa deiingi tergep-tekserý amaldary júrgizilip jatqanyn rastady. Alaida vedomstvo Qylmystyq-protsestik kodekstiń 201-babyna silteme jasap, istiń ózge mán-jailaryn jariia etýden bas tartqan.
Aita keteiik, Murat Beisenbaev Turan aýdanynyń sanitariialyq-epidemiologiialyq baqylaý basqarmasyn 2023 jyldyń 24 mamyrynan beri basqaryp keledi.
