Shymkent qalasynda Áleýmettik qorǵaý salasyn baqylaý departamentiniń basshysy Rýslan Tuńǵyshbaevqa qatysty tergeý amaldary júrgizilip jatyr. Bul týraly Ulttyq qaýipsizdik komiteti málimdedi, dep habarlaidy dalanews.kz nur.kz-ke silteme jasap.
Buǵan deiin Kozachkov offside Telegram arnasynda sheneýniktiń jumys ornynda tintý júrgizilgeni týraly aqparat taraǵan bolatyn. Derekkózderdiń málimetinshe, tergeý ókilderi órt qaýipsizdigi máseleleri boiynsha oń qorytyndy alý úshin laýazymdy tulǵaǵa aqsha berý faktisiniń bolýy múmkin ekenin tekserýde.
UQK atalǵan aqparatqa qatysty sotqa deiingi tergeý júrgizilip jatqanyn rastady. Alaida vedomstvo tergeý múddesine bailanysty istiń ózge mán-jailaryn jariialamady.
Aita keteiik, Rýslan Tuńǵyshbaev Shymkent qalasynyń Áleýmettik qorǵaý salasyn baqylaý departamentin 2024 jyldyń tamyz aiynan beri basqaryp keledi.
