Shymkentte politsiia mefedronnyń iri partiiasyn tárkiledi, erli-zaiypty kúdiktiler ustaldy, dep habarlaidy dalanews.kz.
Shymkent qalasynda jedel izdestirý is-sharalaryn júrgizý barysynda politsiia qyzmetkerleri óńiraralyq esirtki tasymaldaýshylardy ustady. Qaraǵandy qalasynyń 48 jastaǵy turǵyny men onyń 37 jastaǵy jubaiy jeke kólikpen sintetikalyq esirtkiniń iri partiiasyn Almatydan Shymkent qalasyna jetkizip, olardy elimizdiń ońtústik óńirlerinde odan ári taratýdy kózdegen.
Kólikti tekserý kezinde júksalǵyshtan jalpy salmaǵy eki kelige jýyq mefedron salynǵan tórt orama tabyldy.
Ustalǵandardyń telefondaryn tekserý barysynda internet esirtki dúkeniniń kýratorymen jazysqan hat-habarlar anyqtaldy. Sol arqyly olar esirtkini tasymaldaýǵa qatysty tapsyrmalar alyp otyrǵan.
Qamqorlyǵynda kámeletke tolmaǵan úsh balasy bolýyna qaramastan erli-zaiypty zańsyz tabys tabý jolyn sanaly túrde tańdaǵan. Jaýap alý barysynda ustalǵandar bárin moiyndaǵan.
Meditsinalyq kýálandyrý er adam kannabis tobyna jatatyn esirtki paidalanǵanyn rastaǵan. Kúdiktiler ýaqytsha ustaý izoliatoryna qamaldy.
