شىمكەنتتە پوليتسييا مەفەدروننىڭ ٸرٸ پارتيياسىن تەركٸلەدٸ, ەرلٸ-زايىپتى كٷدٸكتٸلەر ۇستالدى, دەپ حابارلايدى dalanews.kz.
شىمكەنت قالاسىندا جەدەل ٸزدەستٸرۋ ٸس-شارالارىن جٷرگٸزۋ بارىسىندا پوليتسييا قىزمەتكەرلەرٸ ٶڭٸرارالىق ەسٸرتكٸ تاسىمالداۋشىلاردى ۇستادى. قاراعاندى قالاسىنىڭ 48 جاستاعى تۇرعىنى مەن ونىڭ 37 جاستاعى جۇبايى جەكە كٶلٸكپەن سينتەتيكالىق ەسٸرتكٸنٸڭ ٸرٸ پارتيياسىن الماتىدان شىمكەنت قالاسىنا جەتكٸزٸپ, ولاردى ەلٸمٸزدٸڭ وڭتٷستٸك ٶڭٸرلەرٸندە ودان ەرٸ تاراتۋدى كٶزدەگەن.
كٶلٸكتٸ تەكسەرۋ كەزٸندە جٷكسالعىشتان جالپى سالماعى ەكٸ كەلٸگە جۋىق مەفەدرون سالىنعان تٶرت وراما تابىلدى.
ۇستالعانداردىڭ تەلەفوندارىن تەكسەرۋ بارىسىندا ينتەرنەت ەسٸرتكٸ دٷكەنٸنٸڭ كۋراتورىمەن جازىسقان حات-حابارلار انىقتالدى. سول ارقىلى ولار ەسٸرتكٸنٸ تاسىمالداۋعا قاتىستى تاپسىرمالار الىپ وتىرعان.
قامقورلىعىندا كەمەلەتكە تولماعان ٷش بالاسى بولۋىنا قاراماستان ەرلٸ-زايىپتى زاڭسىز تابىس تابۋ جولىن سانالى تٷردە تاڭداعان. جاۋاپ الۋ بارىسىندا ۇستالعاندار بەرٸن مويىنداعان.
مەديتسينالىق كۋەلاندىرۋ ەر ادام كاننابيس توبىنا جاتاتىن ەسٸرتكٸ پايدالانعانىن راستاعان. كٷدٸكتٸلەر ۋاقىتشا ۇستاۋ يزولياتورىنا قامالدى.
