Shymkenttegi qonaqúi keshenderiniń birinde politsiia qyzmetkerleri esirtki quraldarynyń zańsyz ainalymyna qatysy bar degen kúdikpen 36 jastaǵy er adamdy ustady, dep habarlaidy dalanews.kz.
Politsiia málimetinshe, ustalǵan azamat Astana qalasynyń turǵyny, S. esimdi asaba.
Tintý kezinde qonaqúi bólmesinen aq tústi untaq tárizdi zat salynǵan polimerli paket pen ósimdik tektes zat tabylyp, tárkilendi. Er adammen birge aldyn ala málimet boiynsha intimdik qyzmet kórsetetin áiel de bolǵan.
Ustalǵan azamat tárkilengen zattardy mefedron jáne «mak» dep atap, olardy jeke qoldaný úshin satyp alǵanyn aitqan.
Qazir tárkilengen zattardyń naqty quramy men mólsheri saraptama arqyly anyqtalyp jatyr.
Atalǵan fakti boiynsha sotqa deiingi tergeý bastaldy. Ózge aqparat tergeý múddesine bailanysty Qylmystyq-protsestik kodekstiń 201-babyna sáikes jariialanbaidy.
