Jýrnalist Áliia Ortaeva Shymkentte kontserttik is-sharalarǵa bólingen 350 mln teńge qoǵamnyń ózekti máselelerin sheshýge baǵyttalýy tiis edi dep málimdedi, dep habarlaidy dalanews.kz.
Jýrnalist Áliia Ortaeva Shymkentte kontserttik is-sharalarǵa bólingen 350 mln teńge qoǵamnyń ózekti máselelerin sheshýge baǵyttalýy tiis edi dep málimdedi, dep habarlaidy Dalanews.
Jýrnalist áleýmettik jelidegi paraqshasynda qaladaǵy elektr jelileriniń tozýy, gaz jáne káriz júieleriniń jetispeýshiligi máselesin kóterip, biýdjet qarajatynyń jumsalýyna qatysty pikir bildirdi.
Onyń aitýynsha, resmi derekterge sáikes Shymkenttegi elektr jelileriniń tozý deńgeii shamamen 60 paiyzdyquraidy. Sonyń saldarynan jazda da, qysta da kerneýdiń tómendeýinen turǵyndar jaryqtyń jii sónýine tap bolady.
Áliia Ortaeva qalada áli kúnge deiin káriz júiesi jetpegen eldi mekender men ortalyq gaz joq kópqabatty úiler bar ekenin atap ótti. Sondai-aq keibir turǵyndardyń septik paidalanyp, gaz ballondaryn tutynýǵa májbúr ekenin jazdy.
Jýrnalisttiń pikirinshe, 350 mln teńge kontsertterge emes, halyqtyń turmysyn jaqsartatyn infraqurylymdyq jobalarǵa baǵyttalýy qajet bolǵan.
Ol bul qarjyǵa ondaǵan turǵyn úidi gazdandyrýǵa, birneshe shaǵyn aýdanǵa káriz jelisin tartýǵa nemese jańa transformatorlar ornatýǵa bolatynyn alǵa tartty.
Jýrnalist áleýmettik jelidegi jazbasyn «bir kúndik kontsert úshin halyqtyń ómirlik qajettilikterin keiinge ysyrý durys pa?» degen saýalmen túiindedi.
