Shyǵys Qazaqstan oblysynyń turǵyny, 51 jastaǵy ustaz Aiash Qabdollaeva Qyrǵyzstanda ótip jatqan VI Dúniejúzilik kóshpendiler oiyndarynda dástúrli sadaq atýdan altyn medal ielendi. Ol pýta nysanasy boiynsha jarysta jeńimpaz atandy, dep habarlaidy dalanews.kz.
Jeńimpaz jariialanǵan sátte sportshy qýanyshyn jasyra almai, kóz jasyna erik bergen. Jantebirenterlik kórinis áleýmettik jelide tarap jatyr.
Aiash Qabdollaeva - mamandyǵy boiynsha bastaýysh synyp muǵalimi. Ol 20 jyl boiy mektepte sabaq berip, kóptegen shákirt tárbielegen. 1997 jyldan beri Shyǵys Qazaqstan oblysyndaǵy Glýbokoe kentinde turady.
Ustazdyqpen qatar dástúrli sadaq atýmen ainalysatyn sportshy byltyr Ońtústik Koreiada ótken álem chempionatynda 130 sportshynyń arasynan úzdik shyqqan.
"Sadaq atý Aiash Qabdollaevanyń otbasyna da jaqyn. Onyń kúieýi men kelini de osy sport túrimen shuǵyldanady", - dep jazylǵan "Aq jelken" jýrnalynyń málimetinde.
Osylaisha, ulaǵatty ustaz ulttyq sporttyq túrinen de el mereiin ósirdi.
