Eks-depýtat Gaýhar Tanasheva májilisten nege ketkenin aitty, dep habarlaidy Dalanews.kz.
Tanashevanyń sózinshe, ol májilisten óz erkimen ketpegen.
"Meni májilisten ketirdi idep aitsam da bolady. Sebebi meniń eń sońǵy depýtattyq saýalymdy estigen bolarsyzdar. Sol jerde halyqtyń jaǵdaiyn kótergenmin. Halyq pen úkimet arasyndaǵy kópirdiń joqtyǵyn aittym. Men kótergen másele májiliske de, partiiaǵa da unaǵan joq. Sebebi ol týraly maǵan "siz mynandaidy qoiyńyz" dedi. Depýtattyq saýaldar bir ailap jatatyn", - deidi Tanasheva Azattyqqa bergen suhbatynda.
Onyń sózinshe, depýtattyq saýaldar aldyn ala tekseristen ótedi.
"Sońǵy depýtattyq saýalymdy oqyr aldynda maǵan ony oqýǵa ruqsat berilmegen. Partiia da ruqsat bermedi. Sońynda saýalym Albert Raýǵa tústi. Ol - Amanat partiiasynyń ókili, vitse-spiker, "oqymaisyń" dep aitty. Biraq men ózim oqimyn dep sheshtim", - deidi eks-depýtat.
Sol kúni depýtat Magerram Magerramov Gaýhar Tanashevany shaqyryp, "biz sizdi 23-i shyǵaryp tastaǵanbyz" dep aitqan.
"Biýro otyrysyn jasap, ortalyq sailaý komissiiasyna sheshimdi jiberdik. Siz depýtat emessiz" dep aitty. Sonda meni ótip ketken kúnmen shyǵaryp tastaǵan. Maǵan eskertilmegen. Biýro otyrysy bolsa, men ol otyrysqa barýym kerek edi. Sheshimmen kelispesem oiymdy aitýym kerek. Maǵan ondai múmkindik berilgen joq", - deidi depýtat.
Eks-depýtattyń sózinshe, depýtattar men ministrlerdiń jumysynda júie joq.
"Ministrlikter ózinshe, depýtattar ózinshe. Depýtattar halyqtyń máselesin kóteredi. Ministrlikter óz isin jasap júre beredi. "Máseleni birigip shesheiik, qolymyzdan ne keledi?" dep birigý joq. Májiliste bári stsenariimen ótedi. Ol boiynsha úkimet saǵaty ótedi, kim sóileýi keregi, qansha adam suraq qoiatyny sheshiledi. Suraqtardy basynda daiyndap qoiady. Ministr bolsańyz jaýabyn beredi. Depýtat bolsam maǵan suraǵyn berip qoiady. Sodan "jaqsy, keremet" otyrys ótedi", - deidi Gaýhar Tanasheva.
Qandai máselelerdi kóterýshi edi?
Gaýhar Tanasheva májiliste kóbine kópbalaly analar men otbasylardyń máselesin kóteretin.
2023 jyly Gaýhar Tanasheva "Otbasylyq kapital" baǵdarlamasyn iske asyrý týraly bastama kótergen edi. Sonymen qatar, maýsymda qazaqstandyq balalarǵa 70 myń teńge áleýmettik tólem tóleýdi usynǵan edi.
Al 2023 jyly Almaty, Shymkent, Qonaev, Talǵar qalalaryna baryp, Jambyl, Túrkistan, Jetisý oblystaryn aralap shyqqan. Atalmysh aimaqtardaǵy aýdan-aýyldardy aralap, halyqpen tildesip, birneshe máselelerdi tizip shyqqan edi.
Sońǵy depýtattyq saýaly
Gaýhar Tanasheva byltyr 25 jeltoqsanda Májilis otyrysynda ótkir pikir aityp, sońǵy saýalyn joldaǵan edi.
"Biligi halqyn aiamaǵan elde ilgerileý múmkin emes. Jurt balasyn qalai asyraryn, qaryzyn qalai óterin bilmei, erteńgi kúnnen qorqyp ómir súredi. Halyqtyń 80 paiyzdan astamy qaryzben ómir súredi. Mundai jaǵdaida patriotizm men damý týraly aitý qiyn", - degen edi ol.
Gaýhar Shaimerdenqyzynyń ózi de 11 balanyń anasy. Aita keteiik, Tanasheva 2023 jyldyń 28 naýryzynan beri depýtat bolǵan.
