Jýrnalistiń kezekti zertteý jumysynyń negizine premer-ministr orynbasarynyń Almaty jáne Taldyqorǵan qalalaryna jumys sapary alynǵan. Sultanovtyń Almaty oblysyna jasaǵan bul saparyna halyqtyń aqshasynan 9,6 mln teńge jumsaǵan. Sheneýniktiń mundai qomaqty qarjymen ne úshin ushqandyǵy anyqtaldy.
Baqyt Sultanov Almaty qalasyna 15 aqpan kúni kúndiz ushyp kelgen. Bul jerde ol qala ákimimen jinalys ótkizip, taraptar «saýda salasyn damytý men baǵalardy turaqtandyrý» máseleleri jaiynda sóz qozǵady. Premer-Ministrdiń orynbasary Almatyǵa bir kún qonyp, artynsha 16 aqpan kúni Taldyqorǵan qalasyna ushyp bardy. Munda Sultanov Almaty oblysynyń ákimi Qanat Bozymbaevpen kezdesip, oblystaǵy máseleler pikirlesken.
Osy eki kúndik jumys saparyna qazaqstandyqtar 9,6 mln teńge tóledi. Jýrnalistiń oiynsha, mundai saparlar qomaqty qarjyny talap etpeidi. Óz zertteýinde ol bunyń birneshe sebebin kórsetken.
Osy siiaqty jinalystardy onlain formatta da ótkizýge, mysaly Zoom baǵdarlamasy arqyly habarlasýǵa bolatynyn alǵa tartady jýrnalist.
Tipti jeke kezdesý qatty qajet bolyp turǵan jaǵdaida, aqshany únemdeý jolyn da kórsettip bergen.
Ministrler biznes-klass biletterin turaqty reisterde satyp ala alady. Máselen, Sultanov Almatyǵa taǵy 8 kómekshisin ertip, biznes-klaspen ushatyn bolsa, onda Úkimet ushaq biletterine 1,5 million teńge qarjy jumsaityn edi, – dep jazdy Maricheva.
Onyń aitýynsha, aqsha únemdeýdiń budan da jaqsy joly bar. Ministrler barlyq qazaqstandyqtar sekildi ekonom-klaspen usha alady. Eseptei kele, jýrnalist mundai jaǵdaida Sultanovtyń sapary salyq tóleýshilerge 500 myń teńgege túsetinin aitady.
Sonymen, zertteýshi óz oiyn qorytyndylai kele, qazirgi ýaqytta Úkimet qyzmetkerleriniń ary-beri ushýyna bir jylǵa 500 mln teńgedei qarjy jumsaitynyn aitady. Bul 10-15 mln teńgeden 30 shaqty is-sapardy quraidy. Alaida eger bizdiń ministrler ekonom-klasqa aýyssa, atalmysh soma jylyna 20-30 mln teńgeni ǵana qurap, elimizdiń biýdjettik shyǵynyn 10-15 ese azaitar edi dep túiindepti jazbasyn.
