جۋرناليستٸڭ كەزەكتٸ زەرتتەۋ جۇمىسىنىڭ نەگٸزٸنە پرەمەر-مينيستر ورىنباسارىنىڭ الماتى جەنە تالدىقورعان قالالارىنا جۇمىس ساپارى الىنعان. سۇلتانوۆتىڭ الماتى وبلىسىنا جاساعان بۇل ساپارىنا حالىقتىڭ اقشاسىنان 9,6 ملن تەڭگە جۇمساعان. شەنەۋنٸكتٸڭ مۇنداي قوماقتى قارجىمەن نە ٷشٸن ۇشقاندىعى انىقتالدى.
باقىت سۇلتانوۆ الماتى قالاسىنا 15 اقپان كٷنٸ كٷندٸز ۇشىپ كەلگەن. بۇل جەردە ول قالا ەكٸمٸمەن جينالىس ٶتكٸزٸپ, تاراپتار «ساۋدا سالاسىن دامىتۋ مەن باعالاردى تۇراقتاندىرۋ» مەسەلەلەرٸ جايىندا سٶز قوزعادى. پرەمەر-مينيستردٸڭ ورىنباسارى الماتىعا بٸر كٷن قونىپ, ارتىنشا 16 اقپان كٷنٸ تالدىقورعان قالاسىنا ۇشىپ باردى. مۇندا سۇلتانوۆ الماتى وبلىسىنىڭ ەكٸمٸ قانات بوزىمباەۆپەن كەزدەسٸپ, وبلىستاعى مەسەلەلەر پٸكٸرلەسكەن.
وسى ەكٸ كٷندٸك جۇمىس ساپارىنا قازاقستاندىقتار 9,6 ملن تەڭگە تٶلەدٸ. جۋرناليستٸڭ ويىنشا, مۇنداي ساپارلار قوماقتى قارجىنى تالاپ ەتپەيدٸ. ٶز زەرتتەۋٸندە ول بۇنىڭ بٸرنەشە سەبەبٸن كٶرسەتكەن.
وسى سيياقتى جينالىستاردى ونلاين فورماتتا دا ٶتكٸزۋگە, مىسالى Zoom باعدارلاماسى ارقىلى حابارلاسۋعا بولاتىنىن العا تارتادى جۋرناليست.
تٸپتٸ جەكە كەزدەسۋ قاتتى قاجەت بولىپ تۇرعان جاعدايدا, اقشانى ٷنەمدەۋ جولىن دا كٶرسەتتٸپ بەرگەن.
مينيسترلەر بيزنەس-كلاسس بيلەتتەرٸن تۇراقتى رەيستەردە ساتىپ الا الادى. مەسەلەن, سۇلتانوۆ الماتىعا تاعى 8 كٶمەكشٸسٸن ەرتٸپ, بيزنەس-كلاسپەن ۇشاتىن بولسا, وندا ٷكٸمەت ۇشاق بيلەتتەرٸنە 1,5 ميلليون تەڭگە قارجى جۇمسايتىن ەدٸ, – دەپ جازدى ماريچەۆا.
ونىڭ ايتۋىنشا, اقشا ٷنەمدەۋدٸڭ بۇدان دا جاقسى جولى بار. مينيسترلەر بارلىق قازاقستاندىقتار سەكٸلدٸ ەكونوم-كلاسپەن ۇشا الادى. ەسەپتەي كەلە, جۋرناليست مۇنداي جاعدايدا سۇلتانوۆتىڭ ساپارى سالىق تٶلەۋشٸلەرگە 500 مىڭ تەڭگەگە تٷسەتٸنٸن ايتادى.
سونىمەن, زەرتتەۋشٸ ٶز ويىن قورىتىندىلاي كەلە, قازٸرگٸ ۋاقىتتا ٷكٸمەت قىزمەتكەرلەرٸنٸڭ ارى-بەرٸ ۇشۋىنا بٸر جىلعا 500 ملن تەڭگەدەي قارجى جۇمسايتىنىن ايتادى. بۇل 10-15 ملن تەڭگەدەن 30 شاقتى ٸس-ساپاردى قۇرايدى. الايدا ەگەر بٸزدٸڭ مينيسترلەر ەكونوم-كلاسقا اۋىسسا, اتالمىش سوما جىلىنا 20-30 ملن تەڭگەنٸ عانا قۇراپ, ەلٸمٸزدٸڭ بيۋدجەتتٸك شىعىنىن 10-15 ەسە ازايتار ەدٸ دەپ تٷيٸندەپتٸ جازباسىن.
