Shyǵys Qazaqstan oblysynda sý tasqynynan zardap shekken óńirlerdegi balalarǵa jazda tegin demalys uıymdastyrylmaq, dep habarlaıdy Dalanews.kz.
SHQO Bilim basqarmasynyń málimetine súıensek, sý tasqynynan zardap shekken oblystardaǵy 60-qa jýyq bala osy jyldyń jaz aılarynda Shyǵys Qazaqstandaǵy demalys lagerlerine tegin joldama alady.
«Arnaıy ázirlengen baǵdarlama olardyń jazǵy bos ýaqytyn qyzyqty ári paıdaly ótkizýge, jańa oqý jylyna deıin jaqsy áser alyp, kóńil kúıin kóterýge múmkindik jasaıdy. Maýsym bastalmas buryn qajet bolǵan jaǵdaıda muǵalimder men jolbasshylar oqýshylarǵa qoldaý kórsetý maqsatynda psıhologıalyq kýrstardan ótkizedi», - deıdi basqarma basshysy Innesa Chernysheva.
Onyń aıtýynsha, múmkindik bolsa demalysqa keletin balalardyń sany taǵy da arttyrylady. Balalarǵa arnalǵan týrısik marshrýttar jasalyp, ólkeniń sulý jerleri kórsetilmek. Búgingi tańda jalpy oblys boıynsha 15 lager jazǵy maýsymǵa daıyndalyp jatyr.
