شىعىس قازاقستان وبلىسىندا سۋ تاسقىنىنان زارداپ شەككەن ٶڭٸرلەردەگٸ بالالارعا جازدا تەگٸن دەمالىس ۇيىمداستىرىلماق, دەپ حابارلايدى Dalanews.kz.
شقو بٸلٸم باسقارماسىنىڭ مەلٸمەتٸنە سٷيەنسەك, سۋ تاسقىنىنان زارداپ شەككەن وبلىستارداعى 60-قا جۋىق بالا وسى جىلدىڭ جاز ايلارىندا شىعىس قازاقستانداعى دەمالىس لاگەرلەرٸنە تەگٸن جولداما الادى.
«ارنايى ەزٸرلەنگەن باعدارلاما ولاردىڭ جازعى بوس ۋاقىتىن قىزىقتى ەرٸ پايدالى ٶتكٸزۋگە, جاڭا وقۋ جىلىنا دەيٸن جاقسى ەسەر الىپ, كٶڭٸل كٷيٸن كٶتەرۋگە مٷمكٸندٸك جاسايدى. ماۋسىم باستالماس بۇرىن قاجەت بولعان جاعدايدا مۇعالٸمدەر مەن جولباسشىلار وقۋشىلارعا قولداۋ كٶرسەتۋ ماقساتىندا پسيحولوگييالىق كۋرستاردان ٶتكٸزەدٸ», - دەيدٸ باسقارما باسشىسى يننەسا چەرنىشەۆا.
ونىڭ ايتۋىنشا, مٷمكٸندٸك بولسا دەمالىسقا كەلەتٸن بالالاردىڭ سانى تاعى دا ارتتىرىلادى. بالالارعا ارنالعان تۋريستٸك مارشرۋتتار جاسالىپ, ٶلكەنٸڭ سۇلۋ جەرلەرٸ كٶرسەتٸلمەك. بٷگٸنگٸ تاڭدا جالپى وبلىس بويىنشا 15 لاگەر جازعى ماۋسىمعا دايىندالىپ جاتىر.
