Sý tasqynynan zardap shekken kásipkerlerge 10,1 mlrd teńge tólendi
2024 jylǵy sý tasqyny saldarynan shaǵyn jáne orta kásipkerlik sýbektilerine (SHOB) keltirilgen múliktik shyǵyndardy óteý qaǵıdalary sheńberinde zalaldy óteý boıynsha jumystar júrgizilip jatyr, dep habarlaıdy Dalanews.kz.
QR Ulttyq ekonomıka mınıstrliginiń habarlaýynsha, kásipkerlerdiń múliktik shyǵyndaryn óteý úshin Úkimet rezervinen 12,1 mlrd teńge somasynda qarajat bólindi.
"2024 jyldyń 1 qazanyndaǵy jaǵdaı boıynsha SHOK sýbektilerinen 15 mlrd teńge somasyna 764 ótinim kelip túsken. Shamamen 12 mlrd teńge somaǵa 630 ótinim boıynsha oń sheshim qabyldandy, onyń ishinde 10,1 mlrd teńgeden astam somaǵa 615 ótinim (ótinimderdiń jalpy sanynyń 80,4%-y) boıynsha tólemder tolyq kólemde júrgizildi. 30 ótinim boıynsha ótemaqy tóleýden bas tartý týraly sheshim qabyldandy. Qalǵan zardap shekken obektiler boıynsha baǵalaý jáne smetalyq jumystar jalǵasýda, olar aıaqtalǵannan keıin ótinimder Óńirlik komısıalardyń qaraýyna shyǵarylatyn bolady", delingen habarlamada.
Ótinimderdiń basym bóligi Atyraý (423 ótinim) jáne Soltústik Qazaqstan (107 ótinim) oblystarynan kelip tústi. Batys Qazaqstan oblysynan 87 ótinim, Qostanaı oblysynan 68 ótinim, Aqtóbe oblysynan 51 ótinim, sondaı-aq Aqmola oblysynan 28 ótinim kelip túsken.
Eske sala keteıik, qaǵıdalarǵa sáıkes joǵalǵan múliktiń (ǵımarattardyń, qurylystardyń, jabdyqtardyń) quny, taýarlyq-materıaldyq qundylyqtardyń quny, zaqymdalǵan ǵımarattar men qurylystardy qalpyna keltirý jumystarynyń quny ótelýge jatady.
