Nurlybek Nálibaev premer-ministrdiń birinshi orynbasary bolyp taǵaiyndaldy, dep habarlaidy dalanews.kz.
Májilis Qazaqstan Respýblikasy Premer-Ministriniń birinshi orynbasary qyzmetine Nurlybek Nálibaevtyń kandidatýrasyna kelisim berdi
Búgin Parlament Májilisiniń Ekonomikalyq reforma jáne óńirlik damý komitetiniń otyrysynda Qazaqstan Respýblikasynyń Premer-ministriniń birinshi orynbasary laýazymyna Nurlybek Mashbekuly Nálibaevtyń kandidatýrasy kelisildi.
Másele «Qazaqstan Respýblikasynyń Parlamenti jáne onyń depýtattarynyń mártebesi týraly» Konstitýtsiialyq zańnyń 22-1-babyna sáikes qaraldy.
Otyrystyń nátijesi boiynsha usynylǵan kandidatýrany Qazaqstan Respýblikasynyń Premer-ministriniń birinshi orynbasary qyzmetine taǵaiyndaýǵa bolatyny týraly qorytyndy qabyldandy.
Artynsha Memleket basshysynyń Jarlyǵymen Nurlybek Mashbekuly Nálibaev Qazaqstan Respýblikasy Premer-Ministriniń birinshi orynbasary bolyp taǵaiyndaldy, ol burynǵy atqarǵan laýazymynan bosatyldy.
