Sý tasqynynan keiin qazaqstandyq 202 otbasy qiraǵan baspanasynyń ornyna turǵyn úi men páter aldy, dep habarlaidy Dalanews.kz.
QR Úkimeti Memleket basshysy Qasym-Jomart Toqaevtyń tapsyrmasy boiynsha biylǵy kóktemde oryn alǵan aýqymdy sý tasqynynan zardap shekken azamattarǵa keltirilgen shyǵyndy óteý jumystaryn jalǵastyrýda.
Búgingi tańda 24 641 otbasy 9,3 mlrd teńgeden astam somaǵa 100 AEK mólsherinde birjolǵy tólem aldy. Mal shyǵyny úshin berilgen memlekettik kómek kólemi 1,3 mlrd teńgeden asty.
17 mamyrdaǵy jaǵdai boiynsha búginde 202 otbasy qiraǵan baspanasynyń ornyna turǵyn úi men páterge ie boldy. Aqtóbe, Batys Qazaqstan, Soltústik Qazaqstan jáne Pavlodar oblystarynda zardap shekken azamattarǵa arnalǵan 658 jańa úi salynyp jatyr.
Sonymen qatar 596 otbasyna 878 mln teńgeden astam somaǵa turǵyn úidi jóndeýge jáne qalpyna keltirýge ótemaqy tólendi. Zardap shekken óńirlerde barlyǵy 10 740 turǵyn úi tekserilip, 8 168 nysan boiynsha baǵalaý júrgizildi.
Keltirilgen ziiandy óteý jumystary jalǵasýda jáne Úkimettiń qatań baqylaýynda. QR Prezidentiniń tapsyrmasy boiynsha zardap shekken azamattardyń barlyǵyna jan-jaqty kómek pen qoldaý kórsetiledi.
