Ishki ister ministrligi esirtkiniń zańsyz ainalymyna qarsy "Qarasora - 2026" respýblikalyq jedel profilaktikalyq is-sharasyn ótkizip jatyr, dep habarlaidy dalanews.kz.
Operatsiiaǵa politsiia qyzmetkerleri, Ulttyq ulan men Qorǵanys ministrliginiń áskeri qyzmetshileri qatysyp jatyr. Sonymen qatar, tikushaqtar, drondar jáne Jerdi ǵaryshtan baqylaý tehnologiiasy qoldanylǵan.
Shý óńiri erekshe nazarda. Munda drondardyń kómegimen jabaiy qarasoranyń ondaǵan oshaǵy anyqtalyp, joiyldy. Sondai-aq, qyzmettik itter men kinologtar táýlik boiy qyzmet atqaryp jatyr. Olar avtojoldarda, temirjol obektilerinde jáne esirtki tasymaldanýy múmkin baǵyttarda tekseris júrgizedi.
"Operatsiia barysynda qyzmettik itterdiń kómegimen 90 esirtki qylmysynyń joly kesilip, 550 kelige jýyq túrli esirtkiniń zańsyz ainalymǵa túsýine jol berilmedi", - dedi IIM esirtki qylmysyna qarsy is-qimyl komiteti tóraǵasynyń orynbasary Eldar Ábdikenov.
