"Shardara" sý qoımasyndaǵy sý deńgeıiniń tómendeýine baılanysty sý jetkizý máselesi týyndaǵan bolatyn. Osyǵan oraı oblys ákiminiń tapsyrmasymen jedel shtab qurylyp, is-qımyl algorıtmi bekitilgen. Bas sý torabynyń İ kóterilimindegi sorǵyǵa qajetti sý jetpeýine baılanysty qosymsha sý aıdaǵysh nasos ornatylyp, sý qubyry iske qosyldy. Nátıjesinde asa mańyzdy nysandar, aýrýhana, kópqabatty páterlerge sý jetkizildi, - dep habarlaıdy Dalanews.kz
06.08.2025 jyly keshki saǵat 20:50-de ekinshi sý aıdaǵysh nasosy iske qosyldy. Atalǵan sý aıdaǵysh nasosoqa dıametri 200 mm polıetılen sý qubyry jalǵanyp, Shardara sý qoımasynan sý Shardara qalasyndaǵy bas sý torabyna jetkizilýde.
– Búgingi tańǵa Shardara qalasynyń barlyq shaǵynaýdanyna sý jiberildi. Sondaı-aq qala aýmaǵyndaǵy turǵyn úılerge 28 sý jınaý ydysy ornatylyp, sý tasymaldaıtyn 10 arnaıy kólik turaqty jumys isteýde. Bul oblys ákimdigi ókilderi men aýdan basshylary, qyzmetkerler táýlik boıy kezekshilik uıymdastyryp, jumystar turaqty júrgizilýde, – dedi oblys ákiminiń birinshi orynbasary Zulpyhar Joldasov.
