"شاردارا" سۋ قويماسىنداعى سۋ دەڭگەيىنىڭ تومەندەۋىنە بايلانىستى سۋ جەتكىزۋ ماسەلەسى تۋىنداعان بولاتىن. وسىعان وراي وبلىس اكىمىنىڭ تاپسىرماسىمەن جەدەل شتاب قۇرىلىپ، ءىس-قيمىل الگوريتمى بەكىتىلگەن. باس سۋ تورابىنىڭ ءى كوتەرىلىمىندەگى سورعىعا قاجەتتى سۋ جەتپەۋىنە بايلانىستى قوسىمشا سۋ ايداعىش ناسوس ورناتىلىپ، سۋ قۇبىرى ىسكە قوسىلدى. ناتيجەسىندە اسا ماڭىزدى نىساندار، اۋرۋحانا، كوپقاباتتى پاتەرلەرگە سۋ جەتكىزىلدى، - دەپ حابارلايدى Dalanews.kz
06.08.2025 جىلى كەشكى ساعات 20:50-دە ەكىنشى سۋ ايداعىش ناسوسى ىسكە قوسىلدى. اتالعان سۋ ايداعىش ناسوسوقا ديامەترى 200 مم پوليەتيلەن سۋ قۇبىرى جالعانىپ، شاردارا سۋ قويماسىنان سۋ شاردارا قالاسىنداعى باس سۋ تورابىنا جەتكىزىلۋدە.
– بۇگىنگى تاڭعا شاردارا قالاسىنىڭ بارلىق شاعىناۋدانىنا سۋ جىبەرىلدى. سونداي-اق قالا اۋماعىنداعى تۇرعىن ۇيلەرگە 28 سۋ جيناۋ ىدىسى ورناتىلىپ، سۋ تاسىمالدايتىن 10 ارنايى كولىك تۇراقتى جۇمىس ىستەۋدە. بۇل وبلىس اكىمدىگى وكىلدەرى مەن اۋدان باسشىلارى، قىزمەتكەرلەر تاۋلىك بويى كەزەكشىلىك ۇيىمداستىرىپ، جۇمىستار تۇراقتى جۇرگىزىلۋدە، – دەدى وبلىس اكىمىنىڭ ءبىرىنشى ورىنباسارى زۇلپىحار جولداسوۆ.
