Stiýarttyń týyndysyn qazaq tiline aýdaryldy
Bilim ordasynyń rektory J.Túimebaevqa Qazaqstannyń Ulybritaniiadaǵy elshisi Erlan Ydyrysovtan belgili aǵylshyn jazýshysy, Resei jáne postkeńestik keńistik tarihynyń bedeldi sarapshysynyń eńbegin stýdentter arasynda nasihattaý týraly arnaiy hat kelip tústi. Bul usynys Janseiit Qanseiituly tarapynan qyzý qoldaý taýyp, aldaǵy ýaqytta júzege asyrý joldary kelisildi.
Kitapta XIX ǵasyrdyń belgili aǵylshyn zertteýshisi jáne sáýletshisi Tomas Ýitlam Atkinson men jubaiy Liýsi Atkinsonnyń Qazaqstan aýmaǵyndaǵy jeti jyldyq saiahaty týraly baiandalady. Sol saiahat barysynda Atkinsondar uldy bolyp, esimin taý men bulaqtyń qurmetine orai Alataý-Tamshybulaq dep qoiady. Qazir Alataý-Tamshybulaqtan taraǵan urpaq Ulybritaniia men Amerikada meken etedi.
Bul aǵylshyn tilinde jaryq kórgen eńbek Kári quralyqta úlken suranysqa ie. Kitapta Tomas pen Liýsi Atkinsondardyń Uly dala jaily shynaiy jazbalary men salǵan sýretteriniń tarihy, olardyń birge ómir súrgen qazaq aýylynyń taǵdyry jaiynda naqty derekter jariialanǵan.
Britan saiahatshylarynyń qazaq jerindegi ómiri týraly aǵylshyn oqyrmandaryna baiandap bergen avtor, 86 jastaǵy jazýshy Djon Massi Stiýart 2019 jyly Almaty oblysy ákimdiginiń shaqyrýymen Jetisý óńirine kelip, saiahatshylar aralaǵan jerlerdi óz kózimen kórip qaitqan. Onyń estelikteri Qazaqstan men Ulybritaniia arasyndaǵy yntymaqtastyqty arttyryp, týrizmniń damýyna yqpal etetini sózsiz. Atalǵan týyndyny biyl Almaty oblysynyń ákimdigi qazaq tiline aýdaryp basyp shyǵarmaq.
Dj.Stiýart 60 jyl boiy Aziialyq ister jónindegi Koroldik qoǵamynyń (Royal Society for Asian Affairs, Qoǵam) múshesi, onyń ishinde 11 jyl boiy Qoǵamnyń qurmetti kitaphanashysy, saiahatshy ári fotograf bolyp qyzmet atqarǵan. Kóptegen kitaptardyń avtory. Jazýshy 1914 jyldan beri ár toqsan saiyn shyǵatyn «Asian Affairs» atty jýrnaldyń 1960 jyldan bergi barlyq kóshirmelerin saqtaǵan eken. Jýrnal qazirgi kezdegi oqiǵalar men jańa tarihqa nazar aýdara otyryp, Aziiaǵa bailanysty birqatar áleýmettik, saiasi jáne tarihi kitaptardy, sondai-aq kitaptyq sholýlardy qamtidy. «Rýhani jańǵyrý» baǵdarlamasy aiasynda aldaǵy ýaqytta britaniialyq jazýshy Djon Massi Stiýarttyń «Tomas, Liýsi jáne Alataý: Atkinsondardyń Sibir men qazaq dalasyndaǵy oqiǵalary» atty kitaby qazaqstandyq oqyrmandardyń qolyna jaqyn arada tietin bolmaq. Al Qazaqstanǵa alǵys retinde jazýshy «Asian Affairs» jýrnalyn QazUÝ-ǵa syiǵa beredi dep kútilýde.
