Ál-Farabi atyndaǵy Qazaq ulttyq ýniversitetinde dástúrli V halyqaralyq Farabi forýmy saltanatty túrde qorytyndylandy, dep habarlaidy Dala News.
Aýqymdy jiyn Úzdik stýdenttik innovatsiialyq jobalar kórmesimen bastaldy. Forým ashylýynda zamanaýi tehnologiialardyń múmkindigi keńinen qoldanyldy. Jiylǵandarǵa jasandy intellekt arqyly jasalǵan Ábý Nasr ál-Farabidiń beineroligi kórsetilip, uly ǵulamanyń ósieti men ǵylymi murasy tsifrlyq nusqada qaita jańǵyrdy. Bul forýmnyń basty maqsaty – ótkenniń asyl qazynasyn bolashaqtyń innovatsiialarymen sabaqtastyrý ekenin ańǵartty.
Sharanyń jabylý rásiminde sóz sóilegen QazUÝ-dyń Basqarma Tóraǵasy – Rektor Janseiit Túimebaev ǵylymnyń el damýyndaǵy strategiialyq mańyzyna toqtalyp, Qazaqstan Prezidenti Qasym-Jomart Toqaevtyń ustanymyn jetkizdi: «Eldiń intellektýaldy qýaty tikelei ǵalymdardyń ideialary men zertteýleri, ǵylymi nátijeleri arqyly anyqtalady. Ál-Farabi atyndaǵy QazUÝ úshin ǵylym – strategiialyq basymdyq. Biz irgeli jáne qoldanbaly zertteýlerdi damytýǵa, jas ǵalymdardy qoldaýǵa jáne halyqaralyq yntymaqtastyqty nyǵaitýǵa bar kúsh-jigerimizdi jumsaimyz», – dep atap ótti ýniversitet basshysy.
Forýmnyń halyqaralyq aýqymy Frantsiia, Italiia, Polsha, Qytai, Túrkiia, Ázirbaijan jáne Ortalyq Aziia elderinen kelgen 105 sheteldik ǵalymnyń qatysýymen aishyqtaldy.
Sharanyń basty oqiǵalarynyń biri retinde Islam uiymymen azyq-túlik qaýipsizdigi salasyndaǵy strategiialyq yntymaqtastyq týraly memorandýmǵa qol qoiyldy. Islam uiymynyń azyq-túlik qaýipsizdigi jónindegi bas direktory Berik Aryn ýniversitettiń ǵylymi áleýetine joǵary baǵa berdi: «Bizdiń uiymǵa 41 memleket múshe, basty maqsatymyz – turaqty aýyl sharýashylyǵyn damytý jáne azyq-túlik qaýipsizdigin qamtamasyz etý. V halyqaralyq Farabi forýmynda jasandy intellekt, tsifrlandyrý jáne turaqty damý maqsattarynyń talqylanýy ýniversitettiń jahandyq máselelerge belsendi aralasýyn kórsetedi. QazUÝ-dyń zamanaýi zerthanalary men sýperkompiýter qýaty bizdiń halyqaralyq missiiamyz úshin úlken tirek. Búgingi memorandým osy bailanysymyzdy resmi túrde bekitti», – dep málimdedi. Sonymen qatar mártebeli meiman forým aiasynda ǵylym jolynda alǵashqy qadamdaryn jasap jatqan bir top jas ǵalymdarǵa arnaiy marapattar tabys etti.
Saltanatty shara sheteldik qonaqtardyń quttyqtaý tilegimen jalǵasty. Bolonia ýniversitetiniń (Italiia) professory, BUU-nyń Ortalyq Aziiadaǵy eriktisi Roberto Boltri: «Bul forým – ǵylym men mádeniettiń toǵysqan núktesi. QazUÝ-dyń álemdik deńgeidegi zertteý ortalyqtarymen erkin básekelese alatyn áleýeti bar ekenine kezekti ret kóz jetkizdik», – dep rizashylyǵyn bildirse, Buhara halyqaralyq ýniversitetiniń rektory Sharif Baratov ekijaqty akademiialyq bailanystardy jandandyrýdyń mańyzdylyǵyna nazar aýdardy.
Forým barysynda Ǵylym qyzmetkerleri kúnine orai, ýniversitettiń oqytýshy-professorlyq quramy men ǵylymi qyzmetkerleriniń eńbegi erekshe atalyp ótti. Akademiialyq ortany damytýǵa qosqan zor úlesi úshin birqatar ǵalymdarǵa arnaiy marapattar berildi.
Jiyn sońynda «QazUÝ úzdik jas ǵalymy» men stýdenttik biznes-inkýbatorlar baiqaýynyń laýreattary anyqtalyp, basqosý jeńimpazdardyń qurmetine arnalǵan saltanatty fotosessiiamen tamamdaldy.
Aita keteiik, dástúrli forým aiasynda úsh halyqaralyq ǵylymi-tájiribelik konferentsiia, dóńgelek ústelder men vorkshoptar seriiasy uiymdastyryldy. Sonymen qatar ýniversitettiń barlyq fakýltetterinde stýdentter men jas zertteýshilerdiń basyn qosqan «Farabi álemi» konferentsiiasy ótti. Halyqaralyq platforma qatysýshylarǵa tek ǵylymi izdenisterin tanystyryp qana qoimai, filosofiia men bilim salasyndaǵy ózekti máselelerdi talqylaýǵa, ozyq tájiribe almasýǵa jáne jańa halyqaralyq jobalardyń negizin qalaýǵa jol ashty.
