ەل-فارابي اتىنداعى قازاق ۇلتتىق ۋنيۆەرسيتەتٸندە دەستٷرلٸ V حالىقارالىق فارابي فورۋمى سالتاناتتى تٷردە قورىتىندىلاندى, دەپ حابارلايدى Dala News.
اۋقىمدى جيىن ٷزدٸك ستۋدەنتتٸك يننوۆاتسييالىق جوبالار كٶرمەسٸمەن باستالدى. فورۋم اشىلۋىندا زاماناۋي تەحنولوگييالاردىڭ مٷمكٸندٸگٸ كەڭٸنەن قولدانىلدى. جيىلعاندارعا جاساندى ينتەللەكت ارقىلى جاسالعان ەبۋ ناسر ەل-فارابيدٸڭ بەينەروليگٸ كٶرسەتٸلٸپ, ۇلى عۇلامانىڭ ٶسيەتٸ مەن عىلىمي مۇراسى تسيفرلىق نۇسقادا قايتا جاڭعىردى. بۇل فورۋمنىڭ باستى ماقساتى – ٶتكەننٸڭ اسىل قازىناسىن بولاشاقتىڭ يننوۆاتسييالارىمەن ساباقتاستىرۋ ەكەنٸن اڭعارتتى.
شارانىڭ جابىلۋ رەسٸمٸندە سٶز سٶيلەگەن قازۇۋ-دىڭ باسقارما تٶراعاسى – رەكتور جانسەيٸت تٷيمەباەۆ عىلىمنىڭ ەل دامۋىنداعى ستراتەگييالىق ماڭىزىنا توقتالىپ, قازاقستان پرەزيدەنتٸ قاسىم-جومارت توقاەۆتىڭ ۇستانىمىن جەتكٸزدٸ: «ەلدٸڭ ينتەللەكتۋالدى قۋاتى تٸكەلەي عالىمداردىڭ يدەيالارى مەن زەرتتەۋلەرٸ, عىلىمي نەتيجەلەرٸ ارقىلى انىقتالادى. ەل-فارابي اتىنداعى قازۇۋ ٷشٸن عىلىم – ستراتەگييالىق باسىمدىق. بٸز ٸرگەلٸ جەنە قولدانبالى زەرتتەۋلەردٸ دامىتۋعا, جاس عالىمداردى قولداۋعا جەنە حالىقارالىق ىنتىماقتاستىقتى نىعايتۋعا بار كٷش-جٸگەرٸمٸزدٸ جۇمسايمىز», – دەپ اتاپ ٶتتٸ ۋنيۆەرسيتەت باسشىسى.
فورۋمنىڭ حالىقارالىق اۋقىمى فرانتسييا, يتالييا, پولشا, قىتاي, تٷركييا, ەزٸربايجان جەنە ورتالىق ازييا ەلدەرٸنەن كەلگەن 105 شەتەلدٸك عالىمنىڭ قاتىسۋىمەن ايشىقتالدى.
شارانىڭ باستى وقيعالارىنىڭ بٸرٸ رەتٸندە يسلام ۇيىمىمەن ازىق-تٷلٸك قاۋٸپسٸزدٸگٸ سالاسىنداعى ستراتەگييالىق ىنتىماقتاستىق تۋرالى مەموراندۋمعا قول قويىلدى. يسلام ۇيىمىنىڭ ازىق-تٷلٸك قاۋٸپسٸزدٸگٸ جٶنٸندەگٸ باس ديرەكتورى بەرٸك ارىن ۋنيۆەرسيتەتتٸڭ عىلىمي ەلەۋەتٸنە جوعارى باعا بەردٸ: «بٸزدٸڭ ۇيىمعا 41 مەملەكەت مٷشە, باستى ماقساتىمىز – تۇراقتى اۋىل شارۋاشىلىعىن دامىتۋ جەنە ازىق-تٷلٸك قاۋٸپسٸزدٸگٸن قامتاماسىز ەتۋ. V حالىقارالىق فارابي فورۋمىندا جاساندى ينتەللەكت, تسيفرلاندىرۋ جەنە تۇراقتى دامۋ ماقساتتارىنىڭ تالقىلانۋى ۋنيۆەرسيتەتتٸڭ جاھاندىق مەسەلەلەرگە بەلسەندٸ ارالاسۋىن كٶرسەتەدٸ. قازۇۋ-دىڭ زاماناۋي زەرتحانالارى مەن سۋپەركومپيۋتەر قۋاتى بٸزدٸڭ حالىقارالىق ميسسييامىز ٷشٸن ٷلكەن تٸرەك. بٷگٸنگٸ مەموراندۋم وسى بايلانىسىمىزدى رەسمي تٷردە بەكٸتتٸ», – دەپ مەلٸمدەدٸ. سونىمەن قاتار مەرتەبەلٸ مەيمان فورۋم اياسىندا عىلىم جولىندا العاشقى قادامدارىن جاساپ جاتقان بٸر توپ جاس عالىمدارعا ارنايى ماراپاتتار تابىس ەتتٸ.
سالتاناتتى شارا شەتەلدٸك قوناقتاردىڭ قۇتتىقتاۋ تٸلەگٸمەن جالعاستى. بولونيا ۋنيۆەرسيتەتٸنٸڭ (يتالييا) پروفەسسورى, بۇۇ-نىڭ ورتالىق ازيياداعى ەرٸكتٸسٸ روبەرتو بولتري: «بۇل فورۋم – عىلىم مەن مەدەنيەتتٸڭ توعىسقان نٷكتەسٸ. قازۇۋ-دىڭ ەلەمدٸك دەڭگەيدەگٸ زەرتتەۋ ورتالىقتارىمەن ەركٸن بەسەكەلەسە الاتىن ەلەۋەتٸ بار ەكەنٸنە كەزەكتٸ رەت كٶز جەتكٸزدٸك», – دەپ ريزاشىلىعىن بٸلدٸرسە, بۇحارا حالىقارالىق ۋنيۆەرسيتەتٸنٸڭ رەكتورى شاريف باراتوۆ ەكٸجاقتى اكادەمييالىق بايلانىستاردى جانداندىرۋدىڭ ماڭىزدىلىعىنا نازار اۋداردى.
فورۋم بارىسىندا عىلىم قىزمەتكەرلەرٸ كٷنٸنە وراي, ۋنيۆەرسيتەتتٸڭ وقىتۋشى-پروفەسسورلىق قۇرامى مەن عىلىمي قىزمەتكەرلەرٸنٸڭ ەڭبەگٸ ەرەكشە اتالىپ ٶتتٸ. اكادەمييالىق ورتانى دامىتۋعا قوسقان زور ٷلەسٸ ٷشٸن بٸرقاتار عالىمدارعا ارنايى ماراپاتتار بەرٸلدٸ.
جيىن سوڭىندا «قازۇۋ ٷزدٸك جاس عالىمى» مەن ستۋدەنتتٸك بيزنەس-ينكۋباتورلار بايقاۋىنىڭ لاۋرەاتتارى انىقتالىپ, باسقوسۋ جەڭٸمپازداردىڭ قۇرمەتٸنە ارنالعان سالتاناتتى فوتوسەسسييامەن تامامدالدى.
ايتا كەتەيٸك, دەستٷرلٸ فورۋم اياسىندا ٷش حالىقارالىق عىلىمي-تەجٸريبەلٸك كونفەرەنتسييا, دٶڭگەلەك ٷستەلدەر مەن ۆوركشوپتار سەريياسى ۇيىمداستىرىلدى. سونىمەن قاتار ۋنيۆەرسيتەتتٸڭ بارلىق فاكۋلتەتتەرٸندە ستۋدەنتتەر مەن جاس زەرتتەۋشٸلەردٸڭ باسىن قوسقان «فارابي ەلەمٸ» كونفەرەنتسيياسى ٶتتٸ. حالىقارالىق پلاتفورما قاتىسۋشىلارعا تەك عىلىمي ٸزدەنٸستەرٸن تانىستىرىپ قانا قويماي, فيلوسوفييا مەن بٸلٸم سالاسىنداعى ٶزەكتٸ مەسەلەلەردٸ تالقىلاۋعا, وزىق تەجٸريبە الماسۋعا جەنە جاڭا حالىقارالىق جوبالاردىڭ نەگٸزٸن قالاۋعا جول اشتى.
