«Qazgidromet» RMK elimizdiń birqatar óńirinde 11-12 mamyrǵa arnalǵan daýyldy eskertý jariialady, dep habarlaidy dalanews.kz.
Sinoptikterdiń málimetinshe, Astana, Aqmola, Soltústik Qazaqstan, Qostanai, Pavlodar, Qaraǵandy, Aqtóbe, Batys Qazaqstan, Ulytaý, Abai jáne Shyǵys Qazaqstan oblystarynda túngi ýaqytta úsik júredi. Kei óńirlerde aýa temperatýrasy -6 gradýsqa deiin tómendeýi múmkin.
Sonymen qatar Almaty, Jetisý, Jambyl, Túrkistan, Qyzylorda, Abai jáne Shyǵys Qazaqstan oblystarynda jańbyr, naizaǵai, burshaq, daýyl jáne ekpindi jel kútiledi. Jeldiń jyldamdyǵy kei jerlerde sekýndyna 25-28 metrge deiin jetedi.
Sinoptikter birqatar óńirde joǵary jáne tótenshe órt qaýpi saqtalatynyn da eskertti.
Mamandar turǵyndardy aýa raiynyń kúrt ózgerýine bailanysty saqtyq sharalaryn saqtaýǵa shaqyrdy.
