Stepnogorsk prokýratýrasy mektepter men bilim bóliminiń saittarynda kámeletke tolmaǵandardyń jeke deregi zańsyz jariialanǵanyn anyqtady, dep habarlaidy dalanews.kz.
Ashyq derekterde 165 balanyń málimeti bolǵan. Jariialanǵan qujattarda olardyń aty-jóni, oqityn oqý orny jáne áleýmettik mártebesi kórsetilgen.
Olardyń arasynda kópbalaly jáne az qamtylǵan otbasylardan shyqqan balalar, sondai-aq, qamqorshylyqtaǵy balalar da bar.
Prokýratýranyń aralasýynan keiin bul derekter saittardan alyp tastaldy. Al jaýapty laýazymdy tulǵalar tártiptik jaýapkershilikke tartyldy.
