Stepnogorsk ákiminiń orynbasary 1,1 milliard teńge kólemindegi memlekettik satyp alýlarǵa bailanysty jaýapqa tartyldy, dep habarlaidy dalanews.kz.
Stepnogorsk qalasy ákiminiń orynbasary men memlekettik aktivter bóliminiń basshysy zańbuzýshylyqtarǵa jol bergeni úshin tártiptik jaýapkershilikke tartylǵan.
Prokýratýra málimetinshe, qala ákimdigi qysqy jáne jazǵy kezeńde qalany kútip ustaýǵa arnalǵan jumystardy josparlaý kezinde biýdjet zańnamasy talaptaryn saqtamaǵan.
Tekseris nátijesinde prokýratýra jalpy quny 1,1 milliard teńge bolatyn toǵyz memlekettik satyp alý rásiminiń kúshin joiǵan.
Sonymen qatar, smetalyq qun qaita qaralyp, biýdjetten negizsiz jumsalýy múmkin 386 million teńge kólemindegi shyǵyn qysqartylǵan. Nátijesinde memlekettik qarajat únemdelgen.
Osylaisha, qala ákiminiń orynbasary men memlekettik aktivter bóliminiń basshysy tártiptik jaýapkershilikke tartylǵan.
