Ulttyq bank basshysy Timýr Súleimenov búgin Májilis dálizinde jýrnalister qoiǵan suraqtarǵa jaýap bere otyryp, Stati isi boiynsha buǵattalǵan Ulttyq qor aqshasy qaitarylǵanyn aitty, dep jazady Dalanews.kz.
Bul rette jýrnalister bas bankirden Stati isi boiynsha buǵattan bosatylyp, qaitarylǵan qarajat somasyn naqtylaýdy surady.
"Meniń oiymsha, bul - sońǵy kúnderdegi jaǵymdy jańalyqtardyń biri. Bul aktivter baiaǵyda, shamamen 10 jyl buryn buǵattalǵan. Ol kezde Ulttyq qordyń shamamen 80 mln dollar bolatyn aktivine buǵat salynǵan. Qazaqstan men basqa taraptar arasyndaǵy kelissózder barysynda Úkimet pen Ulttyq banktiń kásibi jumysynyń arqasynda Ulttyq qordyń aktivteri buǵattan shyǵarylyp, qordyń enshisine qaitaryldy", - dedi Timýr Súleimenov.
2024 jylǵy 18 jeltoqsanda Qazaqstan Úkimeti, QR Ulttyq banki jáne Tristan Oil jetekshi kreditorlarynyń qoldaýyndaǵy Stati tarapy Qazaqstandaǵy munai-gaz aktivteri týraly uzaqqa sozylǵan daýdy retteý protsesin sátti aiaqtalǵany belgili boldy. Stati isine qatysty túpkilikti retteý týraly kelisimniń naqty sharttary jasyryn bolyp tabylatyny aldynda habarlanǵan edi.
19 jeltoqsand Qazaqstan Stati isi boiynsha sot protsesterine qansha qarajat jumsaǵany týraly derekter paida boldy.
20 jeltoqsanda Udttyq bank retteý nátijesinde QR Ulttyq banki Stati taraptarynyń Qazaqstan Respýblikasy Ulttyq qorynyń aktivterine qoiǵan talaptarynan bas tartýyna jáne Shvetsiiada qamtamasyz etý sharalarynyń yqpalynda bolǵan Qazaqstan Respýblikasy Ulttyq qorynyń aktivterin óz ieligine qaitarýǵa qol jetkizgenin habarlady. Alaida somasyn naqtylamap edi.
