Búgin Memleket basshysy Saiasi qýǵyn-súrgin jáne asharshylyq qurbandaryn eske alýǵa arnalǵan is-sharada sóz sóiledi. Óz sózinde Prezident saiasi qýǵyn-súrginnen ult ziialylary qatty japa shekkenin aitty.
- Biz jyl saiyn 31 mamyrda Saiasi qýǵyn-súrgin jáne asharshylyq qurbandaryn eske alamyz. Zulmat zamanda qaza bolǵan jandardyń rýhyna taǵzym etemiz.
Ótken ǵasyrda Keńes Odaǵyna qarasty kóptegen halyq talai qiyndyqty bastan ótkerdi. Sonyń ishinde qazaq eli de zobalań jyldardyń taýqymetin tartty. Kúshpen ujymdastyrý naýqany kezinde mal-múlkinen aiyryldy. Jurtymyz alapat ashtyqtan qynadai qyryldy, kóp adam jan saýǵalap, shetel asyp ketýge májbúr boldy.
Stalindik repressiia kezinde ultymyzdyń ziialylary, bilimdi, kózi ashyq azamattar jappai qýdalandy. Myńdaǵan adam halyq jaýy atanyp, aiaýsyz azaptaldy, sotsyz atyldy. Ultymyz az ǵana ýaqyt ishinde Álihan Bókeihanov, Ahmet Baitursynov, Sáken Seifýllin, Iliias Jansúgirov siiaqty myńdaǵan eń asyl perzentterinen aiyryldy, - dedi Prezident.
Stalindik repressiia kezinde ultymyzdyń ziialylary, bilimdi, kózi ashyq azamattar jappai qýdalandy – Toqaev
Aqorda
