SQO ákimdiginiń otyrysynda «ZIKSTO» zaýytynyń dırektory Danıs Araslanov zaýyttyń damý josparlary týraly aıtyp berdi, dep habarlaıdy Dalanews.kz

«ZIKSTO» zaýyty platformalyq vagondar, hopperlik vagondar jáne jolaýshylar vagondaryn óndirýmen aınalysady. 

Zaýytta 450 adam jumys isteıdi. 2024 jyly zaýyt ónim kólemin 100 mıllıard teńgege jetkizip, 28%-ǵa ósti. Bıyl tapsyrystar portfelin ulǵaıtý josparlanýda. 

«Sonymen qatar, jolaýshylar vagondaryn jáne platformalyq vagondardy óndirý úshin jańa ınvestısıalyq joba iske asýda. Investısıa kólemi 24 mıllıard teńgeni quraıdy, jumysshylardyń sany 900-ge deıin jetkizilmek. Jylyna 3 myń vagon qurastyrylmaq.  Qazir qurylys-montaj jumystary júrgizilýde, iske qosý bıyl 4 toqsanda josparlanýda», - dedi «ZIKSTO» zaýytynyń dırektory Danıs Araslanov.

Jańa óndiristik korpýsqa zamanaýı robottandyrylǵan tehnıka ornatylady, bul ártúrli qozǵalys quramynyń modelderine arnalǵan toraptar men quramdas bólikterdi óndirýge  múmkindik beredi.

Sonymen qatar, kásiporyn munaı ónimderin tasymaldaýǵa arnalǵan vagon-sısterna men avtotasymaldaýshy vagondardyń óndirisin ıgerýdi josparlap otyr.

SQO ákimi Ǵaýez Nurmuhambetov óńirde vagon qurastyrý kásipornyn damytý boıynsha úlken josparlar bar ekenin atap ótip, jobanyń júzege asyrylýy eldegi temirjol kóligin jańartýda mańyzdy qadam bolatynyn aıtty.