سقو اكىمدىگىنىڭ وتىرىسىندا «زيكستو» زاۋىتىنىڭ ديرەكتورى دانيس اراسلانوۆ زاۋىتتىڭ دامۋ جوسپارلارى تۋرالى ايتىپ بەردى، دەپ حابارلايدى Dalanews.kz
«زيكستو» زاۋىتى پلاتفورمالىق ۆاگوندار، حوپپەرلىك ۆاگوندار جانە جولاۋشىلار ۆاگوندارىن وندىرۋمەن اينالىسادى.
زاۋىتتا 450 ادام جۇمىس ىستەيدى. 2024 جىلى زاۋىت ءونىم كولەمىن 100 ميلليارد تەڭگەگە جەتكىزىپ، 28%-عا ءوستى. بيىل تاپسىرىستار پورتفەلىن ۇلعايتۋ جوسپارلانۋدا.
«سونىمەن قاتار، جولاۋشىلار ۆاگوندارىن جانە پلاتفورمالىق ۆاگونداردى ءوندىرۋ ءۇشىن جاڭا ينۆەستيسيالىق جوبا ىسكە اسۋدا. ينۆەستيسيا كولەمى 24 ميلليارد تەڭگەنى قۇرايدى، جۇمىسشىلاردىڭ سانى 900-گە دەيىن جەتكىزىلمەك. جىلىنا 3 مىڭ ۆاگون قۇراستىرىلماق. ءقازىر قۇرىلىس-مونتاج جۇمىستارى جۇرگىزىلۋدە، ىسكە قوسۋ بيىل 4 توقساندا جوسپارلانۋدا»، - دەدى «زيكستو» زاۋىتىنىڭ ديرەكتورى دانيس اراسلانوۆ.
جاڭا وندىرىستىك كورپۋسقا زاماناۋي روبوتتاندىرىلعان تەحنيكا ورناتىلادى، بۇل ءارتۇرلى قوزعالىس قۇرامىنىڭ مودەلدەرىنە ارنالعان توراپتار مەن قۇرامداس بولىكتەردى وندىرۋگە مۇمكىندىك بەرەدى.
سونىمەن قاتار، كاسىپورىن مۇناي ونىمدەرىن تاسىمالداۋعا ارنالعان ۆاگون-سيستەرنا مەن اۆتوتاسىمالداۋشى ۆاگونداردىڭ ءوندىرىسىن يگەرۋدى جوسپارلاپ وتىر.
سقو اكىمى عاۋەز نۇرمۇحامبەتوۆ وڭىردە ۆاگون قۇراستىرۋ كاسىپورنىن دامىتۋ بويىنشا ۇلكەن جوسپارلار بار ەكەنىن اتاپ ءوتىپ، جوبانىڭ جۇزەگە اسىرىلۋى ەلدەگى تەمىرجول كولىگىن جاڭارتۋدا ماڭىزدى قادام بولاتىنىن ايتتى.
