قازاقستاندا كٶكتەمگٸ ەگٸس جۇمىستارىن باقىلاۋعا ارنالعان جاساندى ينتەللەكت ەلەمەنتتەرٸ بار تسيفرلىق پلاتفورما پيلوتتىق رەجيمدە ٸسكە قوسىلدى, دەپ حابارلايدى dalanews.kz.
ٷكٸمەت وتىرىسىندا اۋىل شارۋاشىلىعى ۆيتسە-مينيسترٸ ازات سۇلتانوۆ مينيسترلٸك جاساندى ينتەللەكت جەنە تسيفرلىق دامۋ مينيسترلٸگٸمەن بٸرلەسٸپ ەگٸس ناۋقانى تۋرالى دەرەكتەردٸ جيناۋعا ارنالعان پلاتفورمانى ەزٸرلەگەنٸن ايتتى.
ونىڭ سٶزٸنشە, قازٸرگٸ ۋاقىتتا جٷيە پيلوتتىق رەجيمدە جۇمىس ٸستەپ تۇر. پلاتفورما كٶكتەمگٸ دالا جۇمىستارىنىڭ بارىسى, ەگٸس قۇرىلىمى مەن كٶلەمٸ تۋرالى مەلٸمەتتەردٸ جەدەل الۋعا مٷمكٸندٸك بەرەدٸ. سونىمەن قاتار جٷيە اعىمداعى جاعدايدى باقىلاۋعا ارنالعان تالدامالىق اقپارات قالىپتاستىرادى.
الداعى كەزەڭدە پلاتفورمانىڭ فۋنكتسيونالى كەزەڭ-كەزەڭٸمەن كەڭەيتٸلەدٸ. ونىڭ ٸشٸندە ٶندٸرٸستٸك پروتسەستەردٸ تالداۋ جەنە بولجاۋ ٷشٸن جاساندى ينتەللەكت ەلەمەنتتەرٸن ەنگٸزۋ جوسپارلانعان.
ۆيتسە-مينيستردٸڭ ايتۋىنشا, بۇل شەشٸم دەرەكتەردٸ اۆتوماتتاندىرۋعا, مونيتورينگ دەلدٸگٸن ارتتىرۋعا, شەشٸم قابىلداۋ ۋاقىتىن قىسقارتۋعا جەنە جالپى تيٸمدٸلٸكتٸ كٶتەرۋگە مٷمكٸندٸك بەرەدٸ.
سونىمەن قاتار مينيسترلٸك تۇقىم ساپاسىنا باقىلاۋدى كٷشەيتٸپ جاتىر. جالپى تۇقىم قاجەتتٸلٸگٸ 2,3 ملن توننانى قۇرايدى. تەكسەرۋ قورىتىندىسى بويىنشا بارلىق تۇقىم ەگٸس ستاندارتىنىڭ 1 جەنە 2 سىنىپتارىنا سەيكەس كەلەدٸ.
بيىلدان باستاپ تۇقىم قۇنىن سۋبسيدييالاۋدىڭ جاڭا مەحانيزمٸ ەنگٸزٸلگەن. ەندٸ وتاندىق تۇقىمدى ساتىپ العان جاعدايدا سۋبسيدييا كٶلەمٸ 10%-عا جوعارى بولادى.
ٷكٸمەت وتىرىسىندا اۋىل شارۋاشىلىعى تەحنيكاسىن جاڭارتۋ مەسەلەسٸ دە كٶتەرٸلدٸ. قازٸرگٸ ۋاقىتتا ەلدەگٸ شارۋاشىلىقتاردا 133,9 مىڭ تراكتور, 5,6 مىڭ جوعارى ٶنٸمدٸ ەگٸس كەشەنٸ, 71,4 مىڭ سەپكٸش جەنە 188,5 مىڭ توپىراق ٶڭدەۋ قۇرالى بار.
مەملەكەتتٸك قولداۋ شارالارىنىڭ ارقاسىندا 2025 جىلدىڭ قورىتىندىسى بويىنشا اۋىل شارۋاشىلىعى تەحنيكاسى پاركٸنٸڭ جاڭارۋ دەڭگەيٸ 6,5%-عا جەتكەن. بيىل بۇل كٶرسەتكٸشتٸ 8%-عا دەيٸن جەتكٸزۋ جوسپارلانىپ وتىر.
سونىمەن قاتار اۋىل شارۋاشىلىعى تەحنيكاسى پاركٸنٸڭ توزۋ دەڭگەيٸ 10%-عا تٶمەندەگەن.
مينيسترلٸك مەملەكەتتٸك قولداۋ ەڭ الدىمەن وتاندىق ٶندٸرۋشٸلەرگە باعىتتالعانىن اتاپ ٶتتٸ. مىسالى, قازاقستاندا شىعارىلعان تەحنيكانى ساتىپ الۋ كەزٸندە سۋبسيدييا كٶلەمٸ 30%-دى قۇرايدى, ال يمپورتتىق تەحنيكا ٷشٸن بۇل كٶرسەتكٸش 15-25% ارالىعىندا.
وسىنىڭ نەتيجەسٸندە بٸر جىلدىڭ ٸشٸندە قازاقستانداعى اۋىل شارۋاشىلىعى تەحنيكاسىن ٶندٸرۋ كٶلەمٸ 22%-عا ارتقان. بيىل ٶندٸرٸس كٶلەمٸن 9,9 مىڭ بٸرلٸككە دەيٸن جەتكٸزۋ جوسپارلانىپ وتىر.
سونىمەن قاتار قازاقستان نارىعىنا CLAAS, John Deere جەنە Amazone سەكٸلدٸ ەلەمدٸك ٶندٸرۋشٸلەردٸڭ كەلۋٸ سالاداعى تەحنولوگييالىق جاڭعىرتۋ پروتسەسٸن كٷشەيتٸپ وتىر.
كٶكتەمگٸ ەگٸس جۇمىستارىن ۋاقىتىلى ٶتكٸزۋ ٷشٸن بيىل جالپى كٶلەمٸ 402,2 مىڭ توننا جەڭٸلدەتٸلگەن ديزەل وتىنى بٶلٸنگەن. قازٸرگٸ ۋاقىتتا ونىڭ 204,8 مىڭ تونناسى ٶڭٸرلەرگە جٶنەلتٸلگەن.
ەنەرگەتيكا مينيسترلٸگٸنٸڭ مەلٸمەتٸنشە, فەرمەرلەر ٷشٸن ديزەل وتىنىنىڭ ۇسىنىلاتىن باعاسى ليترٸنە 263 تەڭگە بولسا, ٶڭٸرلٸك وپەراتورلار ارقىلى سوڭعى باعا 281 تەڭگەنٸ قۇرايدى. بۇل جانارماي قۇيۋ بەكەتتەرٸندەگٸ باعادان 49 تەڭگەگە نەمەسە شامامەن 15%-عا ارزان.
