قازاقستاندا كٶكتەمگٸ ەگٸس جەنە ەگٸن جيناۋ جۇمىستارىنا بٶلٸنەتٸن قارجى كٶلەمٸ ايتارلىقتاي ارتتى, دەپ حابارلايدى dalanews.kz.
ٷكٸمەت وتىرىسىندا «بەيتەرەك» ۇلتتىق باسقارۋشى حولدينگٸنٸڭ باسقارما تٶراعاسى رۋستام قاراعويشين بيىل كٶكتەمگٸ ەگٸن ەگۋ جەنە جيناۋ جۇمىستارىنا كەمٸندە 750 ملرد تەڭگە باعىتتالاتىنىن مەلٸمدەدٸ. بۇل 2023 جىلعى كٶرسەتكٸشتەن بەس ەسە كٶپ.
ونىڭ ايتۋىنشا, ەرتە نەسيەلەۋ تەتٸكتەرٸ مەن كەپٸلدٸك بەرۋ قۇرالدارىن ەنگٸزۋ ديقانداردى قولداۋ كٶلەمٸن ەدەۋٸر ارتتىرۋعا مٷمكٸندٸك بەرگەن. «كەڭ دالا 2» باعدارلاماسى اياسىندا فەرمەرلەرگە قارجى 18 ايعا دەيٸنگٸ مەرزٸمگە جىلدىق 5% مٶلشەرلەمەمەن بەرٸلەدٸ.
قازٸرگٸ ۋاقىتتا نەسيەلەۋدٸڭ جالپى سوماسى 534 ملرد تەڭگەدەن اسقان. جەڭٸلدەتٸلگەن قارىزداردى 6,4 ملن گەكتاردان استام القاپقا ەگٸن ەگٸپ وتىرعان 4,2 مىڭ اۋىل شارۋاشىلىعى تاۋارىن ٶندٸرۋشٸ العان.
رۋستام قاراعويشين كەپٸل تاپشىلىعى مەسەلەسٸن شەشۋ ٷشٸن «دامۋ» قورىنىڭ كەپٸلدٸك بەرۋ قۇرالى بەلسەندٸ قولدانىلىپ جاتقانىن ايتتى. بٷگٸنگٸ كٷنگە دەيٸن جالپى سوماسى 209 ملرد تەڭگەگە 1,5 مىڭ كەپٸلدٸك بەرٸلگەن. بۇل قۇرال نەسيە سوماسىنىڭ 85%-ىنا دەيٸن جابادى.
سونىمەن قاتار «قازاگروقارجى» ارقىلى اۋىل شارۋاشىلىعى تەحنيكاسىن جەڭٸلدٸكپەن ليزينگكە بەرۋ جالعاسىپ جاتىر. باعدارلاما اياسىندا تەحنيكا جىلدىق 5% مٶلشەرلەمەمەن رەسٸمدەلەدٸ.
جىل باسىنان بەرٸ فەرمەرلەرگە 180 ملرد تەڭگەدەن استام سوماعا 5 مىڭنان اسا اۋىل شارۋاشىلىعى تەحنيكاسى بەرٸلگەن. ونىڭ 90%-ى قازاقستاندا ٶندٸرٸلگەن تەحنيكا ەكەنٸ ايتىلدى.
ٷكٸمەت وتىرىسىندا پرەمەر-مينيستر ولجاس بەكتەنوۆ بۇرىن بەرٸلگەن نەسيەلەردٸڭ قايتارىلۋىن باقىلاۋدا ۇستاۋدى تاپسىردى.
«مۇنى دا باقىلاۋدا ۇستاۋ كەرەك, ەيتپەسە بٸز جىل سايىن قاراجات بەرە المايمىز. قارجىلاندىرۋدىڭ مۇنداي قوماقتى كٶلەمٸ نەگٸزٸنەن رەۆولۆەرلٸك مەحانيزم بويىنشا بەرٸلۋٸ تيٸس: الدىمەن قاراجات قايتارىلادى, سودان كەيٸن قايتادان بەرٸلەدٸ», — دەدٸ پرەمەر-مينيستر.
