SQO ákimdiginiń otyrysynda investitsiialar tartý máselesi qaraldy. Ótken jyly óńir ekonomikasyna 556 milliard teńge investitsiia tartyldy, onyń 420 milliard teńgesi jeke investorlardyń qarajaty, dep habarlaidy Dalanews.kz
Biyl investitsiia tartýda basty nazar óńdeýshi ónerkásip salasyndaǵy jobalardy iske asyrýǵa aýdarylady. 87 milliard teńge kóleminde 11 jańa jobany iske qosý josparlanýda, bul 1,1 myń jańa jumys ornyn ashýǵa múmkindik beredi. Olardyń arasynda konditerlik ónimder óndiretin zaýyt, kóterý-tasymaldaý jabdyqtary men kópir krandaryn shyǵaratyn zaýyt, sondai-aq aǵash óńdeý kásipornyn salý bar.
Aýyl sharýashylyǵynda 72 milliard teńge kóleminde 35 jobany júzege asyrý josparlanyp otyr. Bul – sút fermalary, sýarý jobalary, aýylsharýashylyq ónimderin óńdeý jáne basqa da mańyzdy baǵyttar.
Keńes qorytyndysy boiynsha oblys ákimi Gaýez Nurmuhambetov óńirdiń investitsiialyq áleýetin tolyqqandy ashý úshin qajetti sharalardy qabyldaýdy, negizgi salalarǵa baǵyttalǵan investorlardy tartý boiynsha keshendi strategiialyq jospar ázirleýdi jáne qoldaý sharalary bar perspektivaly investitsiialyq jobalar tizimin qurýdy tapsyrdy. Óńir basshysy aýdan ákimderin investorlardy tartý boiynsha jumysty júieli túrde júrgizý kerektigin atap ótti.
