14-17 mamyr aralyǵynda Óskemende «Ǵasyrlyq dástúrler» kilem toqý jáne sándik-qoldanbaly óner buiymdarynyń halyqaralyq festivali ótip jatyr, dep habarlaidy dalanews.kz.
Aýqymdy is-sharaǵa Qazaqstan, Ázerbaijan, Qytai, Túrkiia, Mońǵoliia, Ózbekstan, Qyrǵyzstan, Tatarstan jáne Resei Federatsiiasynyń Altai Respýblikasynan kelgen 800-den astam sándik-qoldanbaly óner sheberi qatysýda.
Sondai-aq QR Materialdyq emes mádeni murasyn qorǵaý jónindegi Ulttyq komitetiniń músheleri de atsalysýda.
Festivaldiń saltanatty ashylý rásimine ShQO ákimi Nurymbet Saqtaǵanov qatysty. Óńir basshysy qolónerdiń ulttyq mádeniet pen rýhani murany saqtaýdaǵy erekshe róline toqtaldy.
«Dana halqymyzda «Sheberdiń qoly ortaq» degen ataly sóz bar. Qolóner – tek sheber qoldyń týyndysy ǵana emes, halyqtyń janyn, bolmysyn, tarihyn sóiletetin syrly til. Quraq kórpe men oiýly tekemettiń ár órneginde ulttyń dúnietanymy, ár iiriminde ǵasyrlar izi bar. Bul óner ótken men búgindi jalǵap, keleshekke jol ashatyn ulttyq qundylyq.
«Alaman quraq» jobasy aiasynda ulttyń uly murasy sanalatyn quraq quraý ónerin jańǵyrtyp halyqaralyq deńgeide nasihattaýǵa baǵyttalǵan igi bastama sátti iske assyn», - dedi oblys ákimi.
«Alaman quraq» jobasynyń uiymdastyrýshysy – Nurgúl Abaihan. Jobaǵa qatysýshy barlyq sheberge biryńǵai úlgi men ortaq dizain ázirlenip, uiymdastyrýshylar tarapynan qajetti materialdar berildi.
Osyndai júieli jumystyń nátijesinde qolónershiler jobanyń ortaq tujyrymdamasyn saqtai otyryp, ulttyq qolónerdiń dástúrli elementterin qamtyǵan biregei stildegi quraqtar daiyndady.
Bir quraqty daiyndaýǵa 4 metr mata bólindi. Ár buiym 140 bloktan turady, al kólemi 90h260 santimetrdi quraidy.
Budan soń aimaq basshysy festivalge belsene qatysqandar men jeńimpazdardy marapattady.
Festival aiasynda «Vostok» stadionynda uzyndyǵy eki shaqyrymnan asatyn Alaman quraq kórpe jaiylyp, «Global Best of Records» halyqaralyq rekordtar kitabyna engzildi. Sonymen qatar sheberlik saǵattary, taqyryptyq kórmeler men shyǵarmashylyq zerthanalar, etnomádeni birlestikterdiń ókilderimen kezdesý, qala jáne aýdandardaǵy mádeniet qyzmetkerleri úshin beiindi oqytý seminary uiymdastyrylýda.
Al arnaiy kontsertte etnikalyq mýzyka sheberleri óner kórsetip, kórermenge erekshe áser syilady.
