14-17 مامىر ارالىعىندا ٶسكەمەندە «عاسىرلىق دەستٷرلەر» كٸلەم توقۋ جەنە سەندٸك-قولدانبالى ٶنەر بۇيىمدارىنىڭ حالىقارالىق فەستيۆالٸ ٶتٸپ جاتىر, دەپ حابارلايدى dalanews.kz.
اۋقىمدى ٸس-شاراعا قازاقستان, ەزەربايجان, قىتاي, تٷركييا, موڭعولييا, ٶزبەكستان, قىرعىزستان, تاتارستان جەنە رەسەي فەدەراتسيياسىنىڭ التاي رەسپۋبليكاسىنان كەلگەن 800-دەن استام سەندٸك-قولدانبالى ٶنەر شەبەرٸ قاتىسۋدا.
سونداي-اق قر ماتەريالدىق ەمەس مەدەني مۇراسىن قورعاۋ جٶنٸندەگٸ ۇلتتىق كوميتەتٸنٸڭ مٷشەلەرٸ دە اتسالىسۋدا.
فەستيۆالدٸڭ سالتاناتتى اشىلۋ رەسٸمٸنە شقو ەكٸمٸ نۇرىمبەت ساقتاعانوۆ قاتىستى. ٶڭٸر باسشىسى قولٶنەردٸڭ ۇلتتىق مەدەنيەت پەن رۋحاني مۇرانى ساقتاۋداعى ەرەكشە رٶلٸنە توقتالدى.
«دانا حالقىمىزدا «شەبەردٸڭ قولى ورتاق» دەگەن اتالى سٶز بار. قولٶنەر – تەك شەبەر قولدىڭ تۋىندىسى عانا ەمەس, حالىقتىڭ جانىن, بولمىسىن, تاريحىن سٶيلەتەتٸن سىرلى تٸل. قۇراق كٶرپە مەن ويۋلى تەكەمەتتٸڭ ەر ٶرنەگٸندە ۇلتتىڭ دٷنيەتانىمى, ەر يٸرٸمٸندە عاسىرلار ٸزٸ بار. بۇل ٶنەر ٶتكەن مەن بٷگٸندٸ جالعاپ, كەلەشەككە جول اشاتىن ۇلتتىق قۇندىلىق.
«الامان قۇراق» جوباسى اياسىندا ۇلتتىڭ ۇلى مۇراسى سانالاتىن قۇراق قۇراۋ ٶنەرٸن جاڭعىرتىپ حالىقارالىق دەڭگەيدە ناسيحاتتاۋعا باعىتتالعان يگٸ باستاما سەتتٸ ٸسكە اسسىن», - دەدٸ وبلىس ەكٸمٸ.
«الامان قۇراق» جوباسىنىڭ ۇيىمداستىرۋشىسى – نۇرگٷل ابايحان. جوباعا قاتىسۋشى بارلىق شەبەرگە بٸرىڭعاي ٷلگٸ مەن ورتاق ديزاين ەزٸرلەنٸپ, ۇيىمداستىرۋشىلار تاراپىنان قاجەتتٸ ماتەريالدار بەرٸلدٸ.
وسىنداي جٷيەلٸ جۇمىستىڭ نەتيجەسٸندە قولٶنەرشٸلەر جوبانىڭ ورتاق تۇجىرىمداماسىن ساقتاي وتىرىپ, ۇلتتىق قولٶنەردٸڭ دەستٷرلٸ ەلەمەنتتەرٸن قامتىعان بٸرەگەي ستيلدەگٸ قۇراقتار دايىندادى.
بٸر قۇراقتى دايىنداۋعا 4 مەتر ماتا بٶلٸندٸ. ەر بۇيىم 140 بلوكتان تۇرادى, ال كٶلەمٸ 90ح260 سانتيمەتردٸ قۇرايدى.
بۇدان سوڭ ايماق باسشىسى فەستيۆالگە بەلسەنە قاتىسقاندار مەن جەڭٸمپازداردى ماراپاتتادى.
فەستيۆال اياسىندا «ۆوستوك» ستاديونىندا ۇزىندىعى ەكٸ شاقىرىمنان اساتىن الامان قۇراق كٶرپە جايىلىپ, «Global Best of Records» حالىقارالىق رەكوردتار كٸتابىنا ەنگزٸلدٸ. سونىمەن قاتار شەبەرلٸك ساعاتتارى, تاقىرىپتىق كٶرمەلەر مەن شىعارماشىلىق زەرتحانالار, ەتنومەدەني بٸرلەستٸكتەردٸڭ ٶكٸلدەرٸمەن كەزدەسۋ, قالا جەنە اۋداندارداعى مەدەنيەت قىزمەتكەرلەرٸ ٷشٸن بەيٸندٸ وقىتۋ سەمينارى ۇيىمداستىرىلۋدا.
ال ارنايى كونتسەرتتە ەتنيكالىق مۋزىكا شەبەرلەرٸ ٶنەر كٶرسەتٸپ, كٶرەرمەنگە ەرەكشە ەسەر سىيلادى.
