SQO-daǵy iri sý qoımalary tasqynǵa daıyndaldy. Bul týraly Sý resýrstary jáne ırrıgasıa mınıstrligi málimdedi, dep habarlaıdy Dalanews.kz.
Vedomstvo málimetinshe, Sergeev sý toraby men Petropavl sý torabynda aǵymdaǵy jóndeý jumystary tolyq aıaqtalǵan. Eki nysanda da jaǵalaýdy bekitý jumystary júrgizilgen. Sonymen qatar, sý toraptary SQO TJD-nyń habarlaý júıesimen biriktirilgen jergilikti eskertý júıelerimen jabdyqtalǵan.
«Qazsýshar» RMK málimetinshe, kezekshi avarıalyq brıgadalar qurylǵan, mamandar qajetti qural-jabdyqtarmen jáne ınventarmen qamtamasyz etilgen. Ýchaskelerdegi qyzmetkerlerge qaýipsizdik tehnıkasy boıynsha nusqama ótkizilgen.
Sondaı-aq sý qoımalarynyń tolý deńgeıin táýlik boıy baqylaý jáne tasqyn jaǵdaıy týraly aqparatty múddeli memlekettik organdarǵa, sondaı-aq Reseı Federasıasyndaǵy áriptesterge jedel jetkizý úshin jedel shtabtyń jumysy uıymdastyrylǵan.
