Óskemende Shyǵys Qazaqstan oblystyq sotynyń qylmystyq ister jónindegi sot alqasynyń tóraǵasy ustaldy. Aqparatty Joǵarǵy sot rastady, dep habarlaidy dalanews.kz.
Aldyn ala málimet boiynsha, sýdia bas bostandyǵynan aiyrýmen bailanysty emes úkim shyǵarý úshin 40 mln teńge kóleminde para aldy degen kúdikke ilingen.
Joǵarǵy sottyń baspasóz qyzmetiniń málimetinshe, ustalý faktisi UQK Shyǵys Qazaqstan oblysy boiynsha departamenti men Sot ákimshiliginiń ishki qaýipsizdik bóliminiń birlesken operatsiiasy barysynda anyqtalǵan.
Vedomstvo málimetinshe, qylmystyq ister jónindegi sot alqasynyń tóraǵasy múddeli taraptyń paidasyna oń sheshim shyǵarý úshin asa iri kólemde para aldy degen kúdikpen ustalǵan.
Qazir atalǵan is boiynsha tergeý áreketteri júrgizilip jatyr. Oqiǵanyń barlyq mán-jaiy anyqtalyp jatyr.
