Qazir Petropavl men Qyzyljar aýdanynda sý tasqynynyń úshinshi tolqyny ótip jatyr,– dep habarlaıdy Dalanews.kz
Osyǵan baılanysty ózender men gıdrotehnıkalyq nysandardyń jaǵdaıy táýlik boıy baqylaýda. Barlyq qyzmetter kúsheıtilgen rejımde jumys isteýde. Tasqynǵa sharalardy SQO ákimi Ǵaýez Nurmuhambetov óz baqylaýynda ustaýda.
"Teplıchnoe aýylynda eldi mekenniń qaýipsizdigin qamtamasyz etý maqsatynda qorǵanys bógetin nyǵaıtý boıynsha aldyn alý sharalary júrgizilýde. Bul jumystar túnde de jalǵasty. Oǵan Tótenshe jaǵdaılar mınıstrligi, İshki ister mınıstrligi, Ulttyq gvardıa jáne jergilikti atqarýshy organdardyń 900-den astam qyzmetkeri jumyldyrylǵan. Sý tasqyny jaǵdaıy erekshe baqylaýda", - dep jazdy oblys ákimi Ǵaýez Nurmuhambetov áleýmettik jelide.
